പ്രണയശിൽപ്പം
രചന : സുദർശൻ കാർത്തികപ്പറമ്പിൽ✍ പ്രണയത്തേൻമലരേ,നിന്നധരത്തിൽ ഞാനൊരുമണിമുത്തം നൽകാനങ്ങെത്തിടട്ടേമനതാരിലൊരുനൂറുമോഹവുമായ് പറ-ന്നനുരാഗലോലനായെത്തിടട്ടേഒരുചെറുചാറ്റൽമഴയും നനഞ്ഞുഞാൻപരിമളേ,സാമോദമെത്തിടട്ടേപുലരിതൻ പൂന്തോപ്പിൽ പുളകിതഗാത്രനായ്നലമെഴുമോമൽ കിനാക്കളുമായ്പരിമൃദുരാഗപരാഗരേണുക്കളാർ-ന്നരിയൊരാ പൂമേനിയൊന്നുപുൽകാൻസുരുചിരോൻമാദത്തിൽ മുങ്ങിമുങ്ങിപ്രേമ-മുരളിയുമൂതി ഞാനെത്തിടട്ടേകുളിർമഞ്ഞുതുള്ളിപോലെന്നാത്മ ശിഖരത്തിൻതളിരിലത്തുമ്പിൽ നീയിറ്റിനിൽപ്പൂ !നിരുപമേ,നിൻകരസ്പർശമേറ്റല്ലയോ,പരിചൊടീലോകം പുലർന്നിടുന്നു!പ്രണയത്തിനെന്തിത്ര മധുരമെന്നൊരുവേളപ്രണയിച്ച മാത്രയിലോർത്തുപോയേൻ!ഹൃദയം ഹൃദയത്തോടിഴുകിച്ചേരുമ്പോഴേഹൃദയത്തിൽ പ്രണയം പ്രതിസ്ഫുരിക്കൂപ്രണയിച്ചിടാത്ത മനസ്സുകൾക്കാവുമോ,പ്രണയത്തിൻ മാധുര്യമോരുവാനായ്!പ്രണയമേ നീയൊരു പൊന്നുഷസ്സന്ധ്യപോ-ലുണരുകയല്ലി,യെന്നുള്ളിലെന്നും!