‘ദ് വോയ്‌സ് ഓസ്ട്രേലിയ’ സംഗീത റിയാലിറ്റി ഷോ ഒഡിഷനിൽ ഇന്ത്യൻ ഗാനം പാടി കയ്യടി നേടി മലയാളി പെൺകുട്ടി. റിയാലിറ്റി ഷോയിൽ താരമായ ജാനകി ഈശ്വർ ഒഡിഷനിൽ ഇന്ത്യൻ ഗാനം പാടുന്നതിന്റെ വിഡിയോ പുറത്ത്. ‘മാതേ മലയധ്വജ’ എന്ന് തുടങ്ങുന്ന ഗാനമാണ് ജാനകി വേദിയിൽ ആലപിച്ചത്. പരിപാടിയുടെ വിധികർത്താക്കളിലൊരാൾ ഒരു ഇന്ത്യൻ ഗാനം പാടാമോ എന്ന് ചോദിച്ചപ്പോൾ പന്ത്രണ്ടുകാരിയായ ജാനകി ഗാനം ആലപിക്കുകയായിരുന്നു.
ജാനകിയുടെ പാട്ടിൽ ഏറെ ആസ്വദിച്ചാണ് വേദിയും സദസ്സും ഇരുന്നത്. ‘ദ് വോയ്‌സ് ഓസ്ട്രേലിയ’ പോലൊരു വലിയ സദസിൽ തുടക്കക്കാരി എന്ന നിലയിൽ കർണാട്ടിക് സംഗീതം പരിചയപ്പെടുത്താൻ കഴിഞ്ഞതിൽ വളരെയധികം സന്തോഷിക്കുന്നുവെന്ന് ജനിക്കിയും കുടുംബവും പറഞ്ഞു.ഓസ്‌ട്രേലിയയിലെ ഏറ്റവും പ്രശസ്തമായ ഈ സംഗീത പരിപാടിയിൽ പങ്കെടുക്കുന്ന ഏറ്റവും പ്രായം കുറഞ്ഞ മത്സരാർഥിയാണ് ജാനകി. ഓസ്‌ട്രേലിയയിൽ ജോലി ചെയ്യുന്ന അനൂപ് ദിവാകരന്റെ മകളാണ് ജാനകി.