🖤തടവറകൾ തീർക്കുന്നപ്രണയം🖤

സിജി സജീവ് 🌺

തടവറയിലാണ് ഞാൻ,,
പ്രണയമെന്ന മരണത്തിന്റെ,
തടവറയിൽ….
നീ എനിക്ക് ചുറ്റും തീർത്ത
മായിക വലയം
അതിന്റെ പ്രവർത്തനം
ആരംഭിച്ചിരിക്കുന്നു..
കൂരിരുട്ടിലും നിനക്കായി മാത്രം
കണ്ണുകൾ മിഴിക്കെ തുറന്നു..
തടവറയുടെ ചുവരുകൾ
പ്രാചീന ലിപികളാൽ നിറഞ്ഞു,,
നിന്നെയൊർത്തെഴുതിയ
പരാതികൾ,പരിഭവങ്ങൾ..
സമാധാനത്തിന്റെ
പ്രണയ രാഗങ്ങൾ
പകലും രാത്രിയുമറിയാതെ,
ദിക്കറിയാതെ ഉറക്കെ പാടി…
ഊണും ഉറക്കവുമില്ലാതെ
കൺതടങ്ങൾ ഇരുണ്ടു,
കവിളുകളൊട്ടി,,
യൗവനത്തിന്റെ തുടിപ്പുകളിൽ
ചുളിവുകൾ വീണു,,,
നീണ്ട വഴികൾ
കാത്തിരുന്ന പാദങ്ങൾ,
ചുഴിയിലകപ്പെട്ടപോലെ
ചുവടുകളിടറി ചുറ്റിത്തിരിഞ്ഞു…
ചിന്തകൾക്ക് മേൽ,,
ചിലന്തി വല തീർത്തിരിക്കുന്നു..
ശബ്ദങ്ങളൊക്കെയും
ചീവീടുകളുടെ
ആരോചകമായ മൂളലായി
തലയോട്ടിയിൽ തട്ടി
പ്രതിധ്വനിച്ചു,,,
വെള്ളപ്പുതച്ചെന്നെ പുറത്തേക്കെടുക്കുമ്പോൾ
ആരോ പറയുന്നു,,,
“”പാവം!
ആരോ പറഞ്ഞു പറ്റിച്ചതാണ്..”
എന്നാലും ഇങ്ങനെയുണ്ടോ
ഒരു പ്രേമ നൈരാശ്യം????
💔