ഹരിദാസ് കൊടകര ✍️
ആത്മാദരങ്ങളായ് വർഷിച്ച
കാലപർവങ്ങളത്രയും തക്കം
നയത്തിൻ കണ്ണഴിയും വരെ
ഏതും കപടമില്ല കളവുമില്ല
ഒന്നായെണ്ണാൻ തുടങ്ങുംവരെ
നീളും കപടസത്രത്തിന്റെ
സ്വപ്ന ചാക്കൂളുകൾ
നാഗരികമഗ്നിയിൽ
ബന്ധവും ബാന്ധവും
വേരുറച്ചില്ലിതുവരെ
സൗമ്യസമാനരായ്
നില്പുണ്ട് ബഹുജനം
താതനെ തള്ളയെ തള്ളുന്ന
“തന്നിച്ഛ പൊന്നിച്ഛ”
വിറയൽ മിടിപ്പുകൾ
ചൊല്ലിയും നുള്ളിയും
തല്ലിയും തള്ളി നാം
മലങ്കടല പൊട്ടിച്ചു
കാടും കരേറുന്ന
പാടവം വീഴ്ചകൾ
നാടുപോക്കിനായ് നാളും നടന്നു
ഞെരുക്കം പ്രാണമന്ദിപ്പുണർത്തി
ആവലാതികൾ വീരജല്പനജരകളായ്
ചുട്ട പപ്പടം പടുചമ്മന്തിയും കൂട്ടി
മന:പ്പായസം ചേർത്തു തട്ടാം-
പലകുറി കൂട്ടമായ് പ്രതിയുഗേ
നിരാലംബസായുജ്യ സദ്യകൾ.
