🌹താലോലം🌹

രചന : വിദ്യാ രാജീവ് ✍️

താലോലം താലോലം പാടിയുറക്കാം
എൻ പൊന്നു കുഞ്ഞേ കുരുന്നുപൂവേ..
നിൻ പാൽ പുഞ്ചിരി കാണുവാനല്ലോ
ഇന്നീയമ്മ കാത്തിരിപ്പൂ..
താമരപ്പൂവിൻ ശോഭയല്ലോ പൊന്നേ..
പാരിജാതത്തിൻ സുഗന്ധമല്ലോ…
പാൽവെണ്ണയുണ്ണേണം അമ്പിളിമാമനെ കാണേണം..
അമ്മിഞ്ഞപ്പാലിനായ് ചിണുക്കവും കാണേണം..
താലോലം താലോലം പാടിയുറക്കാം..
എൻ പൊന്നു കുഞ്ഞേ കുരുന്നു പൂവേ..
അച്ഛന്റെ നെഞ്ചിൽ ചാഞ്ഞുറങ്ങേണം..
അമ്മ ചൊല്ലും കഥയും കേട്ടീടേണം..
കൈ വളരേണം കാലുവളരേണം…
പിഞ്ചുപാദങ്ങളാൽ ഓടി നടക്കേണം…
കുഞ്ഞിളം വിരലുകൾ നുണഞ്ഞു നുണഞ്ഞു
കണ്ണുംപൂട്ടി ഉറങ്ങുയെൻ കുഞ്ഞേ…
കരയല്ലേ കരയല്ലേ പൊന്നോമന മുത്തേ..
നിന്നിലാണല്ലോയെൻ സങ്കല്പമെല്ലാം..
വാ വാ…വാവാവോ….വാവോ വാവോ
വാ വാ… വാവേ…വാവാവോ