🌅പൊങ്കാല🌅

രചന : കനകം തുളസി✍

പൊങ്കാല… പൊങ്കാല,ആറ്റുകാൽ പൊങ്കാല
പൊങ്കോലപ്പൂപോലമ്മയ്ക്കിന്ന് പൊങ്കാല.
ആറ്റുകാലമ്മയെ വന്ദിച്ചുനിന്നങ്ങ്
ആറ്റുനോറ്റോരാദരണീയപ്പൊങ്കാല.
ഏറ്റവും ദുഃഖങ്ങൾ മാറ്റുവതിന്നായി
ഉറ്റവരേഴകൾ അർപ്പിച്ചീടുന്നമ്മേ.
പൂർണ്ണപ്രഭയാൽപുലരിപിറന്നമ്മേ
പൂർണ്ണകുംഭപ്രഭോജ്വലം നിൻമുന്നിൽ.
വർണ്ണനാവാഗ്മയ നിർലോഭഗീതികൾ
കർണ്ണാനന്ദാമൃത ലഹരിയിലാറാടി.
പാപങ്ങൾ പോക്കുന്ന മംഗല്യരൂപിണീ
പാപജാലങ്ങൾ പാടേയകറ്റീടമ്മേ.
പാപഫലങ്ങളനുഭവിക്കുന്നേരം
പാപസങ്കീർത്തനം പാപികൾക്കേകേണം.
അന്യോന്യമുള്ളിലെ മാലിന്യമാറ്റാനീ
ധന്യമനോഹരി ചാരത്തണയേണേ.
മാന്യതയേറുമീയൂഴിയിൽ വാഴ്വോർക്ക്
ധാന്യമാം സമ്പത്തുമേകണേയീശ്വരീ.
പൊങ്കാല…. പൊങ്കാല, ആറ്റുകാൽപ്പൊങ്കാല
പൊങ്കോലപ്പൂപോലമ്മയ്ക്കിന്ന്
പൊങ്കാല.