🌷ഗജവീരൻ🌷

രചന : വിദ്യാ രാജീവ്‌✍️

പൂരപ്പറമ്പിലെ ഗജവീരാ നിന്നെ,
പൂജിയ്ക്കുന്നു ആരതി ഉഴിഞ്ഞിടുന്നു.
മുത്തുകുട ചൂടി തിടമ്പുമായ്,
വാദ്യാഘോഷങ്ങൾ തൻ നടുവിലൂടെ
നെറ്റിപ്പട്ടം കെട്ടി നിൽപ്പത് എന്തു ചേലാണന്നോ.
തൂണുപോലുള്ള കാലുകളിൽ ബന്ധനത്തിന്റെ
ചങ്ങലക്കിലുക്കം കേൾക്കുന്നുണ്ടേ.
ആ നോവിൽ നിൻ കണ്ണുനീർ തുളുമ്പിടുമാ കാഴ്ച്ച,
പലവട്ടമെൻ കുഞ്ഞിലേ നോവ് പകർന്നിരുന്നു.
കാട്ടിലും മേട്ടിലും കൂട്ടുകാരൊത്ത് പരിലസിച്ചതും,
തുമ്പികൈയിൽ വെള്ളം ചീറ്റിച്ചും നടന്നൊരു
കാലം വിസ്‌മൃതിയിലാണ്ട് പോയോ.
ഇഷ്ടവിനോദത്തിനായ് നിന്നെ നയിച്ചിടുമ്പോ,
നിൻ ഇഷ്ടങ്ങൾ പലതും പോയ്‌ മറഞ്ഞുവല്ലോ.
ദേഹോപദ്രവം ചെയ്യുന്ന കൂട്ടരുണ്ടേ
നിൻ മഹത്വം അറിയാതെ
പോകുന്നവരല്ലോ അവർ.
കാലമിതു കലികാലമല്ലോ കുറുമ്പാ
ക്ഷമിച്ചീടുകയീ ലോകരോട്…