💞അമ്മ 💞

രചന : വിദ്യാ രാജീവ്✍️

ജഗദ്പതിക്കും ഗുരുവിനും മുന്നേ…
ഔന്നത്യത്തിൽ വസിക്കും
മഹത്വത്തിൻ ഉറവിടമേ…
എൻ സ്വന്തമെന്ന് സധൈര്യം ചൊല്ലീടുവാൻ
ഉതകുന്ന മറ്റെന്തുണ്ടീ മഹിയിൽ…
അറിയും തോറും ഇമ്പമേറും മാധുര്യമേ…
എൻ ഹൃത്തിൻ മുറിപ്പാടുകളിൽ
പൂശുന്ന ദിവ്യ ഔഷധമേ…
എൻ ഉറ്റ സൗഹൃദമേ ജീവിത സൗഭാഗ്യമേ…
അല്ലയോ! ജനനി നിൻ മാനസാലയത്തിലിന്നും
മാനസ്സപുത്രിയായി വാഴുവതെൻ മുൻ ജന്മപുണ്യം…
അക്ഷരമേതു മറന്നാലുമെന്നും
സ്മരിപ്പൂയീ രണ്ടക്ഷരം”അമ്മ “….