രചന : ലത ഗോവിന്ദൻ✍️
ചിലർ വരുന്നു
ആരുമല്ലവരെങ്കിലും
ആത്മ സംഘർഷങ്ങൾ
പങ്കു വക്കുന്നു.
വെറും ഒരു നിമിഷം മാത്രം..
പിന്നെ എങ്ങോ
എവിടെയോ
മറയുന്നു.
ഓർമ്മയിലില്ല
ആ മുഖം
ഓർത്തു വയ്ക്കേണ്ടതു
മില്ലല്ലോ..
ആ.. അമ്മയെ
ഓർമ്മ യിലുണ്ട്..
തൊഴുതു പിടിച്ച കൈകൾ മാത്രം
ഓർമ്മ വരുന്നുമുണ്ട്
ആ നേർത്ത സ്വരം..
വല്ലാതെ വിറക്കുന്നുണ്ട്
എന്തോ പിറുപിറുക്കുന്നു
മുണ്ട്
കണ്ണിൽ നിരാശ കാണാം
എങ്കിലും
ഒരിറ്റ് പ്രതീക്ഷ യോടെ
അമ്മ കൈകൾ കൂപ്പുന്നു.
അവൻ ഒരു പക്ഷേ
അറിയാനിടയില്ല
അവൻ ചെയ്ത തെറ്റിന്റെ ആഴവും
അമ്മ വന്നതും
പോയതും.
