രചന : അഷ്‌റഫലി തിരൂർക്കാട് ✍️
ഇന്ന് ജൂൺ 16.. നമ്മുടെ മലപ്പുറം ജില്ലയുടെ പിറന്നാൾ ❤❤❤
മലപ്പുറത്തെ സ്നേഹിക്കുന്നവർക്കായ്
എന്റെ വരയും വരികളും.
മലകൾ നിറഞ്ഞൊരു നാട്
പുഴകൾ നിറഞ്ഞൊരു നാട്
സ്നേഹം കൊണ്ട് മനസ്സ് നിറയ്ക്കും, നമ്മുടെ സ്വന്തം നാട്
വയലുകളുള്ളൊരു നാട്
മരങ്ങളേറും നാട്
പച്ചപ്പാലെ മനം കുളിർക്കും,
നമ്മുടെ സുന്ദര നാട്
ഐക്യത്തിന്റെ നാട്
മത സൗഹാർദ്ദത്തിൻ നാട്
പല വിധമാളുകൾ മനമൊന്നായി, ജീവിച്ചീടും നാട്…
നമ്മുടെ സ്വന്തം നാട്.
പലവിധ കാഴ്ചകളുണ്ടേ,
പലവിധ നേട്ടവുമുണ്ടേ
മലപ്പുറത്തിൻ മണ്ണിൽ വന്നോർക്കെന്നും സാന്ത്വനമാണേ
സ്നേഹം കൊണ്ട് മനസ്സ് നിറയ്ക്കും,
മനുഷ്യരുണ്ടീ മണ്ണിൽ…
മനുഷ്യരുണ്ടീ മണ്ണിൽ
ഇത് നമ്മുടെ സ്വന്തം നാട്…
നമ്മുടെ സുന്ദര നാട്.
