🌷 ഓർമ്മയിലെ ചങ്ങമ്പുഴ🌷

രചന : ബേബി മാത്യു✍

കാവ്യ പ്രഭാമയൻ ചങ്ങമ്പുഴയെന്നാൽ
കനകച്ചിലങ്കയണിയിച്ച കവി ശ്രേഷ്ഠൻ
വെറുമൊരു പ്രേമ കവിയല്ല ഈ കവി
ഒരു കാലഘട്ടത്തിൻ
പ്രവാചക നീ കവി
ജീവിതം മുഴുവനും നിസ്വനാം മർത്യനായ്
തൂലികയേന്തിയ കാവ്യ പ്രഭാമയൻ
മലയാള മണ്ണിലെ ക്ഷുദ്ര നീചത്വത്തെ
തച്ചുടക്കാനായി ജീവിച്ചു ഈ മഹാൻ
തലമുറ തലമുറക്കായി ഈ മണ്ണിൽ
സ്നേഹ സാഹോദര്യ തിരി തെളിച്ചു
ചങ്ങമ്പുഴ തീർത്ത കാവ്യ പ്രപഞ്ചത്താൽ
അറിയണം നമ്മളീ നാടിൻ ചരിത്രവും
എത്ര മഹത്തരം മലയാള ഭാഷ
എത്രയോ കവികൾ തൻ കഥകളാൽ കവിതയാൽ
ഉഴുതു മറിച്ചൊരീ പുണ്യ ഭൂമി
ദൈവത്തിൻ സ്വന്തം ദിവ്യ ഭൂമി
ഇനിയും പിറക്കണം ഇത്തരം കവികൾ
ഇനിയുമീ നാടിന്റെ പേരും പെരുമയും
ആവോളമെത്തണം
ഉലകമെങ്ങും .