🌹പ്രണയമർമ്മരങ്ങൾ 🫀

രചന : കൃഷ്ണമോഹൻ കെ പി ✍

നിഞ്ചൊടിപ്പൂവിലെ പുഞ്ചിരി കാണുമ്പോൾ
നെഞ്ചകം മെല്ലെത്തുടിച്ചിടുന്നൂ
പഞ്ചാരപ്പൂനിലാവുള്ളം കുളിർപ്പിപ്പൂ
സഞ്ചിത മോഹങ്ങൾ പൂവിടുന്നൂ

വെഞ്ചാമരങ്ങളും താലവട്ടങ്ങളും
തഞ്ചത്തിലാടുന്ന പൂമരവും
കൊഞ്ചിക്കുഴയുന്ന മൈനയും തത്തയും
നെഞ്ചിലെ സഞ്ചാരമൊന്നു മാറ്റീ

മണമുള്ള പൂക്കളും മധുരക്കിനാക്കളും
അണയുന്നു മാനസപ്പൂവനിയിൽ
അണയാത്ത ദീപത്തിന്നകതാരിൽ നിന്നൊരു
പ്രണയത്തിൻ മർമ്മരം ഞാൻ ശ്രവിപ്പൂ❤️