🤩വീണയുടെ കാഴ്ചപാടുകൾ🤩

രചന : ഹരി കുട്ടപ്പൻ✍

വാക്കുകൾക്ക് വാക്കത്തിയുടെ മൂർച്ചയുള്ള കാലമുണ്ടായിരുന്നു.
ആർത്ത് വരുന്ന പുഴയായിരുന്നു വാർത്തകൾ, അന്ന് വാർത്താവാഹിനികൾക്ക് ധാർമികതയും ആത്മാർഥതയും ആവേശവുമുണ്ടായിരുന്നു.
ഇന്ന് വാർത്താസ്വാതന്ത്ര്യമാണത്രേ….
ജനഹൃദയങ്ങളിൽ നന്മയോടെ സത്യത്തെ വിളിച്ചോതേണ്ട മാധ്യമങ്ങൾ അസത്യവും അസഹിഷ്ണുതയും വാരിവിതറുന്നു.

അതിശയോക്തമായ ഇത്തരം പ്രചാരണങ്ങൾക്കെതിരെ മാധ്യമ പ്രഭുക്കൻമാരെ ചോദ്യം ചെയ്യുകയെന്നത് ഓരോ വ്യക്തിയുടെയും സ്വാതന്ത്യമാണ്.
അത് ചോദ്യം ചെയ്യപ്പെടുക തന്നെ വേണമെന്ന തന്റെ പ്രിയസുഹൃത്ത് അരുണിന്റെ പരാതി വീണയുടെ ചെവി തുളച്ചു കയറികൊണ്ടിരുന്നു.
പക്ഷെ അവൾ എല്ലാം ഒരു സാധാരണ പരാതിയായി മാത്രം കണക്കാക്കുന്നു അതറിയാതെ തന്റെ വാദത്തിൽ ഉറച്ചു സംസാരിച്ചുകൊണ്ടിരുന്നു.
സ്വാർത്ഥ താല്പര്യത്തിന് വേണ്ടി പ്രായോഗിക തലത്തിൽ വാർത്തകൾ വളച്ചൊടിക്കുന്ന രീതി കാലങ്ങളായി ആവർത്തിച്ചു വരുന്നു.

“ മാധ്യമ നീതി” എന്നൊക്കെ പറഞ്ഞ് പല നിയമവേലികൾക്കും പൂട്ടിടുന്നതും രാഷ്ട്രിയം കളിക്കുന്നതുമായ മാധ്യമ പ്രവർത്തനം നിർത്തലാക്കണം.
സത്യസന്ധമായ വാർത്തകളും ജനശ്രദ്ധ നേടാനിടയില്ലാത്തതുമായ വാർത്തകളും മാധ്യമ പ്രവർത്തകരുടെ വാക്ക് ചാതുര്യത്തിൽ മുങ്ങി പോവുന്നതും കാണാം.
അങ്ങനെ വരുമ്പോൾ ചാനലുകളിൽ വ്യത്യാസ്ഥ കൂറ് പുലർത്തുന്ന അവതാരകൻമാരെ നമ്മൾ എന്ത് പേരിട്ടാണ് വിളിക്കേണ്ടത്.
അങ്ങനെ മാധ്യമങ്ങളെയും മാധ്യമപ്രവർത്തകരെയും ഒന്നടങ്കം ചീത്ത വിളിക്കുന്ന അരുണിനെ വീണ ഇമ വെട്ടാതെ നോക്കിയിരുന്നു.

അവന്റെ കണ്ണിലെ ആ തീയും ഒന്നും ചെയ്യാനില്ലാത്തവനുണ്ടാവുന്ന നിസഹായതയും നിറഞ്ഞു നിന്നു.
അരുൺ ചാനലിൽ ജോലിക്ക് വന്നിട്ട് കുറച്ചു കാലം മാത്രമേയായോള്ളു പക്ഷെ അതിന് മുൻമ്പേ എനിക്കറിയാം അവന്റെ വാക്കുകൾക്ക് എന്നും വാക്കത്തിയുടെ മൂർച്ചയും തീ കനലിന്റ ചൂടുമാണ്.
ഇന്ന് സത്യത്തെക്കാൾ വളച്ചൊടിക്കുന്ന വാർത്തകൾക്ക് പ്രസക്തി വന്നിരിക്കുന്നു സത്യത്തെ വളച്ചൊടിക്കുന്നതോടെ ജനം അതിന്റെ പിന്നാലെ തിരിയും.
ജനങ്ങളുമിന്ന് പുതുമയുടെ ലോകത്തേക്ക് എത്തിനിക്കുന്നുണ്ട് വിശക്കുന്നവർക്ക് ഭക്ഷണം കൊടുക്കുന്നു അത്രതന്ന
ഈ വാണിജ്യതന്ത്രങ്ങളുടെ ഉപയോഗം ചാനലിന്റെ റൈറ്റിങ്ങുകൂടും എന്നെപോലുള്ളവരുടെ ശമ്പളവും.

നേരിനെക്കാൾ അതിന്റെ ആഴങ്ങളിൽ ചികയുന്ന വാർത്തകളെ ചാനലുകൾ പറ്റുന്നത്ര എക്സ്പോസ് ചെയ്യാൻ നമ്മെ പ്രേരിപ്പിക്കും.
അവിടെ പൊലിഞ്ഞു പോവും എല്ലാ വികാരങ്ങളും ധർമ്മങ്ങളും, പണം… പണം മാത്രമാണ് എല്ലാം,
സുഖിപ്പിക്കുന്നതോ വേദനിപ്പിക്കുന്നതോ ആയ വാർത്തകളാണ് വേണ്ടത് ഞാൻ ചെയ്തില്ലെങ്കിൽ മറ്റൊരാൾ അവിടെ വരും അത്രതന്നെ.
ആദർശങ്ങൾ പറഞ്ഞു നടന്നാൽ അടുപ്പിൽ അരിവേവില്ല അരുണിന്റെ പ്രസ്താവന ശരിയായിരിക്കും
അപ്രസക്തമായ പല സ്റ്റോറിയും കുത്തി പൊക്കി അത് വാർത്തയാക്കുക എന്നതാണ് ജോലി ആര് വേദനിച്ചാലും ഇല്ലെങ്കിലും വാർത്തകൾ ഉണ്ടാവണം അതിനാണ് ഞാൻ ശമ്പളം വാങ്ങുന്നത്
അല്ലാതെ ജനസേവനത്തിനല്ല.

മാസശമ്പളം മുടങ്ങാതെ കിട്ടണം ഇത് എന്റെ സ്വന്തം വ്യക്തിപരമായ സ്വാതന്ത്ര്യം. സ്വന്തം കുടുംബം നോക്കാനുള്ള സ്വാതന്ത്ര്യം.
ചവിട്ടി അരയ്ക്കപ്പെടുന്ന ചെറുജീവിതങ്ങൾ കണ്ടില്ലെന്നു നടിക്കുന്നുണ്ട് പക്ഷെ അതെല്ലാതെ എല്ലാത്തിനും പ്രതികരിക്കുക എന്നത് നടക്കുന്ന കാര്യമാണോ ഈ ജനാതിപത്യ രാജ്യത്ത്…?
കോർപ്രേറ്റ് കമ്പിനികളുടെ കാൽകഴിലെ മെതിയടി മാത്രമാണ് നമ്മൾ ഓരോരുത്തരും, മാധ്യമം അവർ നൽക്കുന്ന പണം കൊണ്ട് മുന്നോട്ടു പോവുന്ന സഞ്ചാരി അതിനുമുകളിൽ ഒരു സത്യവും പറക്കില്ല.
ലോകത്ത് മനുഷ്യസേവനം സാമൂഹ്യസേവനം എന്നൊക്കെ പറഞ്ഞ് നടന്നവർ നേടിയതിനേക്കാൾ നഷ്ടങ്ങൾ ബാക്കി വച്ചാണ് പോയത് അങ്ങനെയുള്ള നഷ്ടങ്ങൾ താങ്ങാൻ കഴിയുന്നതിലും അധികമാവും.
ചെറുതായി കണ്ണടച്ചാൽ നഷ്ടങ്ങളുടെ ആക്കം കുറക്കാനോ ഇല്ലാതാക്കാനോ കഴിയും ഇതും ഒരുതരം വ്യക്തി സ്വാതന്ത്യമല്ലേ.

അരുൺ എന്റെ ഔദ്യോഗിക ജീവിതത്തിൽ എന്നെ ധാരാളം സഹായിക്കുന്നുണ്ട്. ഒരു നല്ല സുഹൃത്ത് എന്നതിലുപരി അവൻ നല്ലൊരു മനുഷ്യനാണ് അവൻ ചുറ്റിലും നടക്കുന്ന കാര്യങ്ങൾ നോക്കിക്കാണുന്ന രീതി കണ്ടാൽ മനസ്സിലാവും.
ആരാജകത്വത്തിനെതിരെ വ്യത്യാസ്ഥ രീതിയിൽ പ്രതികരിക്കാനറിയാം ആ പ്രതികരണത്തിൽ നിന്നും വാർത്തകളിലേക്കായി ധാരാളം ബ്രേക്ക്‌ ത്രൂ കിട്ടും.
അങ്ങനെ ന്യൂസ്‌ എഡിറ്റർ തരുന്ന മാറ്റർ വളരെ ഭംഗിയായി അതിന്റെ സത്യാവസ്ഥ ഉൾക്കൊണ്ട്‌ നുണ പറയാൻ കഴിയും അത് നല്ല റൈറ്റിങ്ങു തരും.

പലപ്പോഴും അവനെ ഒരു ആരാധനയോടെ നോക്കി കണ്ടതുമാണ് അവനിൽ ഒരു അനുരാഗം ഉടലെടുത്തതുമാണ് പക്ഷെ പിന്നെ പിന്നെയുള്ള അവന്റെ ആ ആവേശം മനുഷ്യരോടും സമൂഹത്തോടുമുള്ള പ്രതിബദ്ധത എന്നെ ആ അനുരാഗത്തിൽ നിന്നും പിന്മാറാൻ പ്രേരിപ്പിച്ചു ഇത്രയും ഡെഡിക്കേഷൻ അതും സമൂഹത്തോട് പാടില്ല.
പ്രായോഗിക ജീവിതശാസ്ത്രം പാലിക്കാൻ കഴിയാത്ത ഒരാൾക്ക് കുടുംബജീവിതം നഷ്ടമാവും അതുകൊണ്ട് അവനെ ഒരു നല്ല സുഹൃത്തായിമാത്രം കണ്ടുപോന്നു.
അവന്റെ മനസ്സിൽ എന്തെങ്കിലും ഇതുപോലെ ചിന്തയുണ്ടോ അറിയില്ല പ്രണയത്തിന്റെ ബാലിശമായ ചിന്തകൾ ആ മനസ്സ് ഉൾക്കൊള്ളുമോ എന്നുതന്നെ സംശയമാണ് . അങ്ങനെയൊരു ചലനം അവനിലും കണ്ടിട്ടില്ല.

പക്ഷെ ഒരു പ്രേമരോഗിയുണ്ട് ഒരു സഹപ്രവർത്തകൻ വരുൺ വിവാഹിതനും രണ്ടു കുട്ടികളുടെ അച്ഛനുമാണ്.
പക്ഷെ ഏതു നേരത്തു എന്റെ പിറകിലാണ് വാലിൽ കെട്ടിയ പട്ടം പോലെ കുറച്ചു നേരം സല്ലപിക്കണം തരം കിട്ടിയാൽ കൈകളിലോ വിരലുകളിലോ ഒന്ന് തോടണം അതുമല്ലെങ്കിൽ ഒന്ന് ചേർന്ന് നിന്ന് എന്റെ മണം അസ്വദിക്കണം അതിനായി എന്നെയും മണപ്പിച്ചു ഓരോ ന്യൂസിന്റെ സംശയങ്ങളുമായി വരും
വീണേ നോക്ക് ഈ ന്യൂസ്‌ ഇങ്ങനെ ചെയ്‌താൽ ശരിയാവുമോ അല്ലെങ്കിൽ എങ്ങിനെ ചെയ്താലാണ് നന്നാവുക മൊബൈലിൽ ന്യൂസ് ക്ലിപ്പുമായി കൂടും ശരിക്കും വരുണിന് നല്ലപോലെ ജോലി നോക്കാനറിയാം എന്നാലും ഒരുതരം ആത്മസുഖം.

ഞാനും ആസ്വദിക്കുന്നു കാരണം വല്ലപ്പോഴും ഒന്ന് തോടുന്നതും താലോടുന്നതും ആരാ ആഗ്രഹിക്കാത്തത്.
പാമ്പിന്റെ ശാരീരിക പ്രകൃതിയും കുറുക്കന്റെ കൗശലവും ശകുനിയുടെ സ്വഭാവവുമാണെങ്കിലും ആളെ പിണക്കാതിരിക്കലാണ് നല്ലത് അല്ലെങ്കിൽ അതിന്റെ ഭവിഷത്ത് വളരെ വലുതായിരിക്കും അതിന് വലിയ വില കൊടുക്കേണ്ടി വരും.
മാത്രവുമല്ല വൻ പൊങ്ങച്ചക്കാരാനും ആന മണ്ടനും തനി അഹങ്കാരിയുമായ ഒരു സൂപ്പർവൈസ്സർ അവന്റെ കൂട്ടിനുണ്ട് ഇവരോട് മത്സരിക്കാനും പിടിച്ചു നിൽക്കാനും വലിയ പാടാണ്.

ഞാൻ സാരി ഉടുത്ത് വരുന്ന ദിവസം ക്യാബിനിലേക്ക് വിളിപ്പിക്കും മൊബൈൽ ന്യൂസ് ക്ലിപ്പും ഉണ്ടാവും അതും കാണിക്കും ശ്രദ്ധ മൊബൈൽ ആവുമ്പോൾ പതിയ എന്റെ അടിവയറിൽ തലോടും അത് എന്റെ പെരുവിരലിൽ നിന്ന് ഒരു മിന്നൽ തല വരെ പായും.
ഇങ്ങനെയൊക്കയാണെങ്കിലും അവന് ശരിക്കും തലോടാനറിയാം തെറി വിളിക്കാൻ തോന്നുമെങ്കിലും എല്ലാവിധ സുരക്ഷിതത്വവും ഉറപ്പുവരുത്തിയതിനു ശേഷം മാത്രമേ അങ്ങനെ ചെയ്യൂ അതിൽ എന്തെങ്കിലും പിഴവുണ്ടായാലും അത് ആ മണ്ടൻ സൂപ്പർവൈസ്സർ ഏറ്റടുതോളും.
പിന്നെ ആരു അറിയിക്കാതെ അത്ര സംരക്ഷണത്തിൽ ആരെങ്കിലും ഒന്ന് സുഖിപ്പിക്കുമ്പോൾ നിന്ന് കൊടുക്കുകയല്ലാതെ വേറെന്തു ചെയ്യാൻ ഞാനും ഒരു പെണ്ണെല്ലേ…

ഇതിലും വലിയ കളങ്കങ്ങൾ നടക്കുന്ന നമ്മുടെ നാട്ടിൽ ഞാൻ ചെയ്യുന്നത് തെറ്റാണോ..?
ഇങ്ങനെയുള്ള ഞരമ്പ് രോഗികളെ വെറുതെ പിണക്കിയാൽ പിറകെ വരുന്ന എട്ടിന്റെ പണി നമ്മൾ ഊഹിക്കുന്നതിലും അപ്പുറമായിരിക്കും
അപ്പോൾ ഇങ്ങനെയുള്ള കാര്യങ്ങൾ ആരും അറിയാത്തിടത്തോളം അങ്ങനെയങ്ങു പോവട്ടെയെന്ന് വെയ്യ്ക്കും.
അരുണിനെ പോലെ സത്യസന്തത ആത്മാർത്ഥ എന്നൊക്കെ നോക്കിയാൽ ജോലിയും പോയി വീട്ടിലിരിക്കേണ്ടി വരും.
വരുണിന്റെ പ്രവർത്തിയെ അവിഹിതം എന്ന് വേണമെകിൽ പറയാം പക്ഷെ അതിന് തെളിവില്ല എല്ലാത്തിനും തെളിവ് വേണം നിയമമനുസരിച്ചു എന്തിനും തെളിവ് വേണം എന്നല്ലേ….

ഈയിടെ നിയമ വ്യവസ്ഥകളെ ചോദ്യം ചെയ്യ്ത ഒരു നേതാവ് രാജി വെച്ചു നിയമങ്ങളും നിയമ വ്യവസ്ഥകളും ആവിശ്യനുസരണം നോട്ടുകെട്ടുകളുടെ കനം അനുസരിച്ചു കോടിയുടെ നിറം അനുസരിച്ചും പേരിന്റെ വാൽ അനുസരിച്ചു മാറിക്കൊണ്ടിരുന്ന ഒരു കാലം ഉണ്ടായിരുന്നു എന്നാണ് നാം കരുതിയതെങ്കിൽ നമുക്ക് തെറ്റി അത് ഇന്നും നില നിൽക്കുന്നു എന്നതാണ് സത്യം.

രാഷ്ട്രിയ നിലപാടികളും അധികാരധാഷ്ട്യവും എന്നും ഒരു കാലത്തും ചോദ്യം ചെയ്യാൻ കഴിയില്ലെന്ന് നമ്മുടെ നാട് എത്ര തവണ തെളിയിച്ചതാണ്.
പാപികളെ ദൈവം പന പോലെ വളർത്തും ഇന്ന് ലോകത്ത് പാപികൾ മാത്രമായി മാറിയിരിക്കുന്നു. എലാം പന പോലെ വളർന്നവർ.
കവി പാടിയ പോലെ ആത്മാർത്ഥമായൊരു ഹൃദയമുണ്ടായതാണെന്റെ പരാജയം അരുണിനും പരാജയം മാത്രമേ ഉണ്ടാവൂ.

സ്വജീവിതത്തേക്കാളും സാമൂഹിക സേവനത്തിനിറങ്ങുന്ന ആർക്കും അവസാനം നഷ്ടങ്ങൾ മാത്രം അതിന് ജീവിച്ചിരിക്കുന്ന സത്യം എന്റെ അച്ഛൻ ഗോപാലൻ നായർ, അച്ഛനിൽ നിന്ന് തുടങ്ങിയതാണ് എനിക്കീ സാമൂഹിക നിരീക്ഷണം.
വീണക്ക് വാലുണ്ടായതുകൊണ്ട് മാത്രം സ്കൂളിൽ പരിഗണന കിട്ടിയതോടെ ഞാൻ അച്ഛന്റെ പ്രത്യാശാത്രങ്ങൾക്ക് വിപരീതമായി,
കോളേജിൽ സംവരണമില്ലാതെ സീറ്റ് കിട്ടിയപ്പോൾ എന്റെ വാലിന്റെ വിലയറിഞ്ഞു.
തൊലി വെളുപ്പിന് മുൻ‌തൂക്കത്തിൽ വർണ്ണത്തിന്റെ വിഭജനം നേരിൽ കണ്ടു.
സഹപ്രവർത്തകന്റെ തലോടൽ ജോലി സുഖമമാക്കിയപ്പോൾ പെണ്ണിന്റെ ശക്തി മനസ്സിലായി പിന്നീട് ജീവിക്കാൻ കഷ്ടപ്പാടാണ് എന്ന് പറയാൻ ഒരു അരോചകം തോന്നുന്നു
അരുണിനെ പോലെ ചുറ്റുമുള്ളവരുടെ നന്മ കാംക്ഷിച്ചു ജീവിക്കാൻ കഷ്ടമായിരിക്കും. സാഹചര്യത്തിനു അനുസരിച്ചു ജീവിക്കുക.
പക്ഷെ അരുൺ ആണ് ശരി അവന് നല്ല പോലെ ഉറങ്ങാൻ കഴിയുന്നുണ്ട് മനസ്സ് തുറന്ന് ചിരിക്കാൻ കഴിയുന്നു വയറു നിറച്ചു ഭക്ഷണം കഴിക്കാൻ പറ്റുന്നു അവന്റെ കളങ്കമില്ലാത്ത സന്തോഷം സ്നേഹത്തിന്റെ ആത്മാർഥത ഒരിക്കലും എന്നിൽ കാണാൻ കഴിഞ്ഞില്ല.

എല്ലാവർക്കും അവനെ ഇഷ്ടമാണ് ആരോട് ദേഷ്യപ്പെട്ടാലും ആരും തിരിച്ചു ദേഷ്യപ്പെടാറില്ല അവന്റെ ഉള്ളിലെ നന്മയെന്നും കൂട്ടുണ്ടായിരുന്നു.
മറ്റുള്ളവരുടെ സങ്കടത്തിൽ കരയാനും സന്തോഷത്തിൽ ചിരിക്കാനും അവനെക്കൊണ്ടേ സാധിക്കൂ. അരുൺ മറ്റുള്ളവരെ പരിചരിക്കുന്നതും സംസാരിക്കുന്നതും കണ്ടാൽ നോക്കി നിന്നുപോവും.
അവരുടെ പ്രേശ്നങ്ങൾ സ്വന്തം പ്രശ്നം പോലെ നോക്കികാണും, സ്വന്തം ജീവിതത്തിൽ പോലും ആത്മാർത്ഥത കാണിക്കാൻ കഴിയാത്ത എനിക്ക് അരുണിന്റെ ജീവിതം എന്നും അസൂയ ഉളവാക്കും
എല്ലാം നേടിയെന്നു കരുതുമ്പോഴും എന്തോ ഒന്ന് ബാക്കിയുള്ള ജീവിതം. തിരിഞ്ഞു നോക്കിയാലോ എന്തെക്കയോ നഷ്ടമായിരിക്കും
ജീവിതം അങ്ങനെയാണത്രേ എല്ലാം നേടിയെന്ന് കരുതും പക്ഷെ നേട്ടങ്ങളോന്നും നമ്മുടെയെല്ലെന്ന് മനസ്സിലാവും

പക്ഷെ നമ്മുടെ മാത്രമായ നേട്ടങ്ങൾ അരുണിനെ പോലെയുള്ളവർക്കെ കൈവരിക്കാനാവു ആത്മ സംതൃപ്തി നേടിയെടുക്കാൻ കുറച്ചു കഷ്ടപെടണം
അതിനായി ഒരു വലിയ മനസ്സും വേണം പ്രത്യക്ഷത്തിൽ വലിയ നേട്ടങ്ങൾ കൈ വരിച്ച പോലെ തോന്നും പക്ഷെ ജീവിതം എന്നും ഒരു നൂലിൻ മേൽ കളിയാവും.
ഇനി അരുണിനെ ഒന്ന് പ്രേമിച്ചു നോക്കണം അതും ഒരു തരം സ്വാർത്തയാണ് പക്ഷെ അവനിലൂടെയെങ്കിലും ഒന്ന് തിരിഞ്ഞു നടക്കാൻ കഴിയുമായിരിക്കും
ഇപ്പോഴാണെങ്കിൽ നഷ്ടങ്ങൾ മറച്ചു പിടിക്കാം ഇത്രയും മനസ്സിൽ കരുതി അരുണിനെ തന്നെ നോക്കിയിരുന്നു
അവൻ വാതോരാതെ സംസാരിച്ചുകൊണ്ടിരുന്നു
ഇടയ്ക്ക് ഞങ്ങളുടെ കണ്ണുകൾ തമ്മിൽ ഉടക്കിയപ്പോൾ അവന്റെ മനസ്സിന്റെ താമോഗർത്തത്തിൽ ഒരു തണുത്ത പ്രണയത്തിന്റെ കടൽ ഇരമ്പുന്നത് കണ്ടു.