🌷 ജീവിത പടികൾ🌷

രചന : ബേബി മാത്യു അടിമാലി✍

പടികൾ ഒത്തിരി കയറണം
ലക്ഷ്യ സ്ഥാനം എത്തുവാൻ
കണ്ടിടാം ചില പടികളിൽ
പായലിന്റെ പാടുകൾ
ശ്രദ്ധ വേണം ഇല്ലായെങ്കിൽ
തെന്നി വീഴാം ഓർക്കണം
പഴയതാണ് ചില പടികൾ
പൊട്ടി വീണ് പോയിടാം
നേർത്ത കൂർത്ത കല്ലുകൾ
കണ്ടിടാം ചില പടികളിൽ
മുൻപ് പോയ എത്രയോ പേർ
വീണു പോയ പടികളാ
വിശ്രമത്തിന് നേരമില്ല
കൂട്ടുകാരോ കൂട്ടിനില്ല
പണ്ട് പടികൾക്കരുകിലായ്
ചെടികൾ ഉണ്ടായിരുന്ന താ
കണ്ണുകൾക്ക് മോദമേകും
പൂക്കൾ ഉണ്ടായിരുന്നതാ
ഇന്നിതാ ചെടിയുമില്ല പൂവുമില്ല കാണുവാൻ
ജീവിതത്തിൻ പടികൾ
എങ്കിലും
തേടി നിൽപ്പു നമ്മളേ
ശ്രദ്ധയോടെ കയറിയില്ലേൽ
വീണു പോകും നമ്മളും
താണു വീണു പോയിടാതെ
ധീരമായി കയറുവിൻ
ലക്ഷ്യ സ്ഥാനം എത്തുവാനായ്
യാത്ര സഫലം ആകുവാനായ്.