🌷 വെള്ളി നക്ഷത്രം നീരജ് ചോപ്രാ🌷

രചന : ബേബി മാത്യു അടിമാലി✍

വെള്ളി നക്ഷത്രമായ് പാരിന്റെ നെറുകയിൽ
ഇന്ത്യതൻ അഭിമാന പുത്രനായാ
വീരനാം നീരജേ സ്നേഹാദരം
ഈ നാട് ഒന്നിലും പിന്നിലല്ലന്ന്
കാട്ടി കൊടുത്തവൻ നീയല്ലയോ
അത് നാടിന്റെ അഭിമാനമായി മാറി
കളിയിലായാലും കാര്യത്തിലായാലും
ഈ രാജ്യം എന്നും മുന്നിലെന്ന്
തെളിയിച്ച നാടിന്റെ ധീര പുത്രൻ
ഇനിയും പിറക്കട്ടെ നീരജുമാർ
നാടിൻ ചരിത്രം രചിക്കുവാനായ്
കഠിനമാം അദ്ധ്വാന പരിശ്രമങ്ങൾ
വിജയത്തിലെത്തിച്ചു നീരജിനെ
കോടിക്കണക്കിനു ഭാരത ജനതതൻ
അഭിമാന പൂരിത നിമിഷങ്ങളിൽ
കായിക ലോകത്തെ രാജകുമാരന്
ഏകിടാം സ്നേഹമായ് ആശംസകൾ
മലയാള മണ്ണിന്റെ അഭിനന്ദനം .