💕 പ്രത്യാശ💕

രചന : രാജിവ് ചേമഞ്ചേരി ✍️

നാട്ടുവഴിയിൽ നടന്നലഞ്ഞ്….
നാണമില്ലാതെ ബഹുമാനമേകി….
നാണമില്ലാത്ത മുഖവുമായ്…..
നാട്ടുകൂട്ടത്തിൻ പർവ്വതശ്രേണിയിലിരിപ്പായ്…….
നീറുന്ന ജീവിതങ്ങളെന്നും-
നാറുന്നയിടങ്ങളിലിപ്പോഴും
നാളേയ്ക്ക് നല്ലഗുണം വരുമെന്ന വിശ്വാസം!
നീളെ നീളെയായ് തള്ളിയകറ്റുന്നു!
നാറാണത്ത് ഭ്രാന്തനെ പോൽ നമ്മൾ…
നാളുകളേറെയുരുട്ടി കയറ്റിയ പാറയായ്!
നാഥനായ് വിരാജിക്കും നേതാവിനെയിന്ന് –
നാൽക്കവലയ്ക്ക് ചർച്ചയായ് തള്ളിവിടേണം!
നന്മകളെന്നും അച്ചടിയന്ത്രങ്ങളിൽ മഷിതേച്ചിടും!
നീറ്റുന്ന ചൂളയിലലിയിച്ച് തൂവെള്ളപ്പൊടിയാക്കി മാറ്റീടും …….
നനവാർന്ന രക്തമൊലിക്കുന്ന കഠാരയ്ക്കവസരമായീടും!
നിലാവ് മറയുന്ന കൂരിരുട്ടിൽ രക്തസാക്ഷിയായ് പേരിടും!
നിത്യവും കണ്ണുകലങ്ങിയ മനുജൻ്റെ ജീവിതയാത്ര!
നീണ്ടു കിടക്കുന്ന വിജനമാം സ്വപ്നമരുഭൂവായ്……
നാഴിക പലതും ആണ്ടുകളായ് വ്യാഴവട്ടങ്ങളായ്……..
നീങ്ങുന്ന ഘടികാരസൂചിയിലീ നിമിഷം വരെ പ്രത്യശ!