🌷 ഇടുക്കി തുറന്നപ്പോൾ🌷

രചന : ബേബി മാത്യു അടിമാലി✍

മഴവെള്ളം കലിതുള്ളിയെത്തിയപ്പോൾ
ഇടുക്കിയും നിറഞ്ഞു കവിഞ്ഞുവല്ലോ
ബന്ധനമെല്ലാം നീക്കിയവളെ
നിയന്ത്രിത സ്വതന്ത്രയായ് തുറന്നു വിട്ടു
ഭൂതത്താൻകെട്ടും പെരിയാറും പിന്നിട്ട്
കടലിനെ പുൽകുവാനെത്തിടുമ്പോൾ
പരിഭ്രാന്തിയൊട്ടും കാട്ടേണ്ട കൂട്ടരേ
ജാഗ്രതയോടെയിരുന്നാൽ മതി
അവളുടെ യാത്രതൻ സൗന്ദര്യമെല്ലാം
അകലേന്നു കാണുവിൻ കൂട്ടുകാരേ
സ്പർശിക്കാനൊന്നും തുനിയരുതേ
ദേഹത്ത് തൊട്ടെന്നാൽ കൊണ്ടുപോകും
കൂടെയായ് കൂട്ടിനായ് കൊണ്ടു പോകും
വിവരക്കേടൊന്നും കാട്ടരുതേ
ആപത്തിൽ ചെന്ന് ചാടരുതേ
അധികാരികൾ നൽകും നിർദേശമെല്ലാം
ആധരവോടെ കേട്ടീടുക
ഈ പുഴയെ സ്വതന്ത്രയായ് വിട്ടീടുക
അവളുടെ ഉള്ളിലെ നൊമ്പരങ്ങൾ
കടലിനൊടെത്തി പറഞ്ഞീടട്ടേ.