🌷 എന്റെഭാരതം എന്റെഅഭിമാനം🌷

രചന : ബേബി മാത്യു അടിമാലി ✍

മൂവർണ്ണക്കൊടി പാറും നാടിതു
ഭാരതമാണെന്നഭിമാനം
നാടിൻമോചന രണാങ്കണങ്ങളിൽ
പിടഞ്ഞുവീണു മരിച്ചവരെ
സ്വാതന്ത്ര്യത്തിൻ പൊൻപുലരികളെ
സ്വപ്നംകണ്ടു മരിച്ചവരെ
ധീരൻമാരാം വീരൻമാരെ
സാക്ഷാൽ രക്തസാക്ഷികളെ
സ്നേഹാദരവോടോർത്തീടാം
നിത്യം നമ്മുടെ സ്മരണകളിൽ!
പിറന്ന നാടിനെ സംരക്ഷിക്കും
ധീരജവാൻമാരെക്കൂടി
ആദരിക്കാം അഭിനന്ദിക്കാം
ബിഗ് സല്യുട്ടുകൾ നൽകീടാം .
സാമ്രാജ്വത്വക്കഴുകൻമാർ
ഇന്നും ചുറ്റി നടപ്പുണ്ട്
എത്തും പല പല വേഷത്തിൽ
എത്തും ബഹുവിധ ഭാവത്തിൽ
നാട്ടിലശാന്തി പടർത്താനായ്
നാടിനുയർച്ച തകർക്കാനായ്
വഞ്ചകരാകും നീചർക്കെതിരെ
ജാഗ്രത നമ്മൾ പുലർത്തേണം!
ജനഗണമനയുടെ നാട്ടിൽതന്നെ
വന്ദേമാതരനാടിനുവേണ്ടി
പോരാടുക നാമൊന്നായിനിയും
സ്വാതന്ത്രൃത്തെ കാത്തിടുവാൻ!
പാരിനു നടുവിൽ ഭാരതമണ്ണിൽ
അഭിമാനത്തെയുയർത്തിടുവാൻ
അണയാമൊന്നായ് തമ്മിൽച്ചേരാം!
അതാണു നമ്മുടെ ഭാരതമണ്ണ്
മൂവർണ്ണക്കൊടി പാറും നാടിതു
എൻഭാരതമെന്നഭിമാനം!