🌹 അരുതേ ഈ നരഹത്യ 🌹

രചന : ബേബി മാത്യു അടിമാലി✍

ഇലന്തൂരെന്നനാട്ടിൽ
ധനമോഹത്തിനാലെ
ഏഴകളാകുംരണ്ട്
സ്ത്രീകളെ കൊലചെയ്ത വാർത്തയിൽനടുങ്ങിനാം
ഞെട്ടിത്തരിച്ചുപോയി
എത്രയോകുടുംബങ്ങൾ കണ്ണീരിലാണ്ടുപോയി
എത്രയോപാവങ്ങൾതൻ സ്വപ്നങ്ങൾതകർന്നുപോയ്
അതിൽനിന്നുയരുന്ന ആത്മാവിൻപുകച്ചുരുൾ
അവയെശമിപ്പിക്കാൻ
ആരാലുംകഴിയുമോ ?
ദൈവത്തിൻ മക്കളെന്നു
പറയുംകാട്ടാളന്മാർ
സമ്പത്തിൽ ആർത്തിപൂണ്ട്
ചെയ്യുന്നുഗളച്ഛേദം
ഈശ്വരസൃഷ്ടികളെ
കുരുതികൊടുത്തിട്ടൊ
ദൈവത്തിൻപ്രീതിനേടാൻ ! പറയുകാട്ടാളരെ ?
പണത്തിൻപേരിൽ
കാട്ടികൂട്ടുമീനരഹത്യ
നടത്തുംകാടത്തമേ
മാപ്പില്ലാനിങ്ങൾക്കിനി
നാടിതിൻചരിത്രത്തിൽ ഇല്ലാനിങ്ങൾക്കുസ്ഥാനം
നാടിനെനരകമായ്
തീർത്തീടുംവഞ്ചകരേ
ഇവരെ സംരക്ഷിക്കാൻ വക്കാലത്തെടുക്കുന്ന
വക്കിലൻമാരായോരേ നിങ്ങളുമോർത്തീടുവിൻ
മാനവനന്മക്കാണി
നിയമോം കോടതിയും
ഇരതൻകണ്ണിരോപ്പാൻ
നീതിയെനടപ്പാക്കാൻ
അക്ഷരസ്നേഹികളെ
എഴുതുനിങ്ങൾനിത്യം
ദുർമന്ത്രവാദത്തിന്റെ
അടിവേരറക്കുവാൻ
അന്ധവിശ്വാസത്തിന്റെ തിന്മകൾക്കെതിരായി
അറിവിൻനൽവിത്തുകൾ വിതയ്ക്കുസമൃദ്ധമായ്
പരത്തട്ടവനാട്ടിൽ
സ്നേഹത്തിൻപരിമളം
നിറയ്ക്കട്ടവമണ്ണിൽ
ശാന്തിയും സന്തോഷവും.