🌹 വേണ്ടാ നമുക്കിനി മദ്യം 🌹

രചന : ബേബി മാത്യു അടിമാലി✍

“ലഹരി മുക്ത കേരളം ” (വിമുക്തി ) പ്രചരാണാർത്ഥം.

വേണ്ടാ നമുക്കിനിമദ്യം
വേണ്ടാ നമുക്കീമയക്കുംമരുന്നുകൾ
നളെയിനാടിന്റെ വാഗ്ദാനമാകേണ്ട
യുവതതൻ സ്വപ്നംതകർക്കും
മദ്യം നമുക്കിനിവേണ്ടാ മയക്കുമരുന്നുകൾവേണ്ടാ
വീട്ടിലും നാട്ടിലും സ്വസ്ഥമാം ജീവിതം
തല്ലിതകർത്തിടും മദ്യപാനം
കുടിയനോ മുടിയനായ് തീർന്നിടുന്നു
നാട്ടിൽ കലാപം വിതച്ചിടുന്നു
മദ്യലഹരിയിൽ ക്രുരകർമ്മങ്ങളാൽ
എത്രയോ പാതകം ചെയ്തിടുന്നു
അല്പം സുഖത്തിനായ് നാട്ടിലും വീട്ടിലും
കോമാളിയായവർ മാറിടുന്നു
സ്വന്തബന്ധങ്ങളെ തൃണവൽഗണിച്ചവർ
എവിടെയും ശല്യമായ് തീർന്നിടുന്നു
സത്യവും ധർമ്മവും എല്ലാം മറന്നവർ
വില്ലന്റെവേഷത്തിലാടിടുന്നു
അവസാനമാരോഗ്യസമ്പത്തുതീർന്നവർ
ജീവിതം വ്യർത്ഥമായ് മാറ്റിടുന്നു
ആരാലുമനുകമ്പ കിട്ടാതവർപിന്നെ
ജീവിതാന്ത്യത്തിങ്കലൊറ്റപ്പെടും
സ്നേഹബന്ധങ്ങളെ ലഹരിയായ് മാറ്റുവിൻ
ജീവിതം നന്മയാൽ പൂത്തിടുവാൻ
നാളെ വരുന്നൊരു തലമുറ നിങ്ങളെ
നല്ലൊരു മാതൃകയായോർക്കുവാൻ
വേണ്ടാ നമുക്കിനി വേണ്ടാ
ഈ മദ്യവും പിന്നെ മയക്കുംമരുന്നും
വേണ്ടാ നമുക്കിനി വേണ്ടാ.