💧ആതുരാലയ മുറ്റത്തുകൂടി💧

രചന : കൃഷ്ണമോഹൻ കെ പി ✍

ഒരുമിച്ചീ ഭൂമിതൻ മടിയിൽ പിറന്നവർ
ഒരുമ തൻ കൈത്താങ്ങുതേടിടുമ്പോൾ
ഒരു കൂട്ടമവശർക്ക് ആശ്വാസമേകുവാൻ
ഒരു മാത്ര ഞങ്ങളും കൂടെയുണ്ട്……

ആയിരമാശകൾ ശയ്യാതലങ്ങളിൽ
ആതുരമാനസരായ് കിടക്കും
ആതുരാലയമെന്ന കെട്ടിടമുറ്റത്തായ്
ആദിനമൊന്നു ഞാൻ പെട്ടു പോയീ

കല്ക്കെട്ടിനുള്ളിലെ കട്ടിലിൽ ചാരിയാ
കഷ്ടകാലത്തിൻ്റെ നാൾവഴികൾ
കഷ്ടം, പരിതപിച്ചീടുന്ന മാനവർ
സ്പഷ്ടം, കഠിന ദു:ഖത്തിലത്രേ

നാനാവിധമുള്ള രോഗങ്ങൾ മൂലവും
ശസ്ത്രക്രിയാദിയാം ക്ഷീണമോടും
ചുറ്റും ശയിക്കുന്ന കൂട്ടരെക്കണ്ടെൻ്റെ
ചിത്തമോ, ശോകത്താൽ തേങ്ങിടുന്നൂ🫧