🌹കരിന്തിരി കത്തുന്ന
ചെറുബാല്യങ്ങൾ 🌹

രചന : ബേബി മാത്യു അടിമാലി✍

ഇന്ന് സിസംബർ 10 ലോക മനുഷ്യാവകാശ ദിനമാണ് . മനുഷ്യവാകാശ നിയമം നിലവിൽ വന്നിട്ട് ഏഴര പതിറ്റാണ്ടായി. എന്നിട്ടും എന്തെ ഈ ലോകം ഇങ്ങനെ ?
കുറച്ചാളുകൾ എല്ല സുഖ സൗകര്യങ്ങളോടെയും ജീവിക്കുമ്പോൾ മറ്റ് ചിലർ ജീവിതം വലിയ ശാപമായി കരുതുന്നു. എവിടെയാണ് നമുക്ക് പിഴവ് പറ്റുന്നത് ആലോചിക്കണം. പ്രകൃതിയിൽ എല്ലാവർക്കും ജീവിക്കാനുള്ള വിഭവങ്ങൾ ആവശ്യത്തിനുണ്ട്. പക്ഷേ എന്നിട്ടും ?

പാതയോരത്തെയാ കൽക്കൂനയിൽ
ഇരിക്കുന്നപൈതലേ ഒന്നുനോക്കു
ഒരുപാടുമോഹങ്ങൾ കരിന്തിരികത്തുന്ന
ഈചെറുബാല്യത്തിൻ
മിഴികൾകണ്ടോ
അക്ഷരഞ്ജാനം നേടുവാൻദാഹിച്ച
കൂട്ടുകാരൊത്തു കളിക്കുവാൻമോഹിച്ച
നഷ്ടസ്വപ്നത്തിന്റെ ഭാണ്ഡവുംപേറിയാ
കുഞ്ഞിളം മേനിതളർന്നിരിപ്പൂ
ഈകുഞ്ഞിൻ കണ്ണിലൂടീലോകം കാണുവാൻ
കഴിയുമോ നിങ്ങൾക്ക്എന്നെങ്കിലും
വർണ്ണങ്ങളേറെ വിരിയുമീലോകത്ത്
വർണ്ണമില്ലാത്തതാണീ കാഴ്ചകൾ
ആശനശിച്ചവൾ ആകെതകർന്നവൾ
വീണ്ടും പ്രതീക്ഷയാൽ നോക്കിടുന്നു
ഈനിസ്സഹായത കണ്ടിട്ടുംകാണാതെ
കടന്നുപോകുന്നവർ നരജന്മമോ
ഇത്തരം ജന്മങ്ങൾക്കഭയമേകിടുവാൻ
ഈനാടിൻമനസിനു കഴിയുകില്ലേ ?
അവരുടെസ്വപ്നങ്ങൾ സഫലീകരിക്കുവാൻ
ഇവിടുള്ള ജനതതിക്കാവുകില്ലേ ?
ബാലാവകാശത്തിൻ ആനുകൂല്യങ്ങൾ
ഇത്തരം കുട്ടികൾക്കന്യമാണോ?
മാറണംനമ്മുടെ ചിന്തഗതികളും
മാറ്റണംനമ്മുടെ നിയമവുംചട്ടവും.