കെറ്ററിംങ് ജനറൽ ആശുപത്രിയിൽ നഴ്സായ കോട്ടയം വൈക്കം സ്വദേശിനി അഞ്ജു, 40, മക്കളായ ജാൻവി, 4, ജീവ, 6. എന്നിവരാണ് കൊല്ലപ്പെട്ടത്.
കൊലപാതകിയെന്ന് സംശയിക്കുന്ന അഞ്ജുവിന്റെ ഭര്‍ത്താവും കണ്ണൂര്‍ ശ്രീകണ്ഠപുരം പടിയൂര്‍ സ്വദേശിയുമായ ചേലപാലില്‍ സാജു, 52, വിനെ പൊലീസ് കസ്റ്റഡിയിലെടുത്തു.
വീടിനുള്ളിൽ കുട്ടികളെ അതീവ ഗുരുതരാവസ്ഥയിലും യുവതിയെ മരിച്ച നിലയിലും കണ്ടെത്തുകയായിരുന്നു. കുട്ടികളെ പൊലീസ് എയർ ആംബുലൻസ് സഹായത്തോടെ ആശുപത്രിയിൽ എത്തിച്ചെങ്കിലും പിന്നീട് ഇരുവരും മരിച്ചതായി സ്ഥിരീകരിച്ചു.മിഡ്ലാൻസിലെ കെറ്ററിംങ്ങിൽ കേവലം ഒരു വർഷം മുൻപ് മാത്രം കണ്ണൂരിൽനിന്നുമാണ് കുടുംബം എത്തുന്നത്.
ഇന്നലെ ഉച്ചയ്ക്ക് 11.30 മണിയോടെയാണ് വൻ പോലീസ് സംഘം സംഭവസ്ഥലത്ത് കുതിച്ചെത്തി വീടിനുള്ളിലേക്ക് കയറിയത്. താമസിയാതെ രണ്ടുതവണ എയർ ആംബുലൻസ് പറന്നുപൊങ്ങുന്നതു കണ്ടു’ എന്നു മാത്രമാണ് അയൽവാസികൾ നൽകുന്ന വിവരം.വീടിനു സമീപത്തുനിന്നും പൊലീസ് ഒരു കാർ നീക്കം ചെയ്യുകയും ചെയ്തിട്ടുണ്ട്. പോസ്റ്റ്മോർട്ടം റിപ്പോർട്ട് പുറത്തുവന്നശേഷമേ മരണകാരണം വ്യക്തമാക്കാനാകൂ എന്നും പോലീസ് അറിയിച്ചു.കുടുംബ കലഹമാണ് കൊലപാതകത്തിന് പിന്നിലെന്നാണ് പ്രാഥമിക നിഗമനം,