🌹 ദൈവപുത്രൻ്റെ ഓർമ്മയിൽ🌹

രചന : കൃഷ്ണമോഹൻ കെ പി ✍

പുൽക്കുടിൽനക്ഷത്രക്കൂടാരമായ്
പുഷ്പങ്ങൾ നക്ഷത്ര ജാലമായീ
പുണ്യപുരുഷൻ്റെ യാഗമനം
പൂജിതയാക്കീ പ്രപഞ്ചത്തിനേ

നന്മ നിറഞ്ഞവൻ യേശുനാഥൻ
നമ്മുടെ പാപങ്ങളേറ്റുവാങ്ങീ
നല്ല വചനങ്ങളോതി നമ്മെ
നന്മതൻമാർഗ്ഗത്തെക്കാട്ടിടുന്നൂ

കാൽവരിക്കുന്നിലെ ഭാഷിതങ്ങൾ
കാലാന്തരങ്ങളങ്ങേറ്റു പാടീ
ഗാഗുൽത്ത തന്നിലെ പീഡനങ്ങൾ
ത്യാഗമായ് ലോകം മനസ്സിലേറ്റീ

ദു:ഖങ്ങൾ മുള്ളിൻ കിരീടമായീ
ദു:സ്വപ്നമായി ശിരസ്സിലേറീ
കുരിശിൻ വഴിയിലെ യാതനകൾ
കൃസ്തുവേ, നിന്നെ അജയ്യനാക്കീ

തസ്ക്കരന്മാരുടെ മധ്യത്തിലായ്
കർത്താവേ അങ്ങു കുരിശിലേറീ
സ്വർഗസ്ഥനായ പിതാവിനെ നീ
അപ്പൊഴുമങ്ങു മനസ്സിലേറ്റീ

കരുണാമയനായ ദൈവപുത്രാ
കനിവിൻ്റെ പാതയിലെന്നുമെന്നും
കരളിൻ്റെ വാതിൽ തുറന്നുവച്ച
കമനീയ ജന്മമേ, സ്വസ്തി, സ്വസ്തി..👑