👑ആഗതമാകുന്ന ക്രിസ്തുമസ്സേ, ആവോളം കൺ പാർത്തു നിന്നിടട്ടേ👑

രചന : കൃഷ്ണമോഹൻ കെ പി ✍

🌹സ്വർഗ്ഗത്തിൻവാതിൽ തുറന്നു വന്നീ
സർഗ്ഗധനയാം ധരയെ നോക്കി
സത്ക്കർമ്മം ചെയ്യാത്ത പാപികൾ തൻ
സന്താപം തീർക്കുവാൻ നീ പിറന്നൂ

സൗന്ദര്യസങ്കല്പ വീഥികളിൽ
സ്നേഹത്തിൻ സന്ദേശമോതുവാനായ്
സന്മനസ്സോടെ ജനിച്ചവനേ
സത്യമെൻ കർത്താവേ, വാഴ്ത്തിടുന്നൂ

പാപികൾ തന്നുടെ പാപങ്ങളും
ദു:ഖിതർ തന്നുടെ ദു:ഖങ്ങളും
പാപരഹിതനാം യേശുനാഥൻ
മുൾമുടിയായി ശിരസ്സിലേറ്റീ

യാതന തന്നുടെ വേദനയും
കുരിശിൻ വഴിയിലെ പീഡനവും
നീറും മുറിവുമായ് ദൈവപുത്രൻ
കർത്തവ്യം പോലെ കുരിശിലേറി

കൃസ്തുവേ, മാതാവിൻ വത്സലനേ
കൃത്യമായ് വേദത്തെയോതിയോനേ
കർത്താവേ താവക ജന്മദിനം
കാലചക്രത്തിൻ്റെ പുണ്യ ദിനം

ബാവായ്ക്കും പുത്രനും പരിശുദ്ധാത്മാവിനും
സ്തോത്രങ്ങളോതുന്നു ഭക്തിയോടെ
സന്മനസ്സുള്ളോർക്കു ശാന്തി പകരുന്ന
ക്രിസ്തുമസ്സേയെത്തൂ എന്നുള്ളിലും❤️