🌹 അനുഗ്രഹമയി മാറിയ അനുഗ്രഹ മോൾക്കു വേണ്ടി🌹

രചന : ബേബി മാത്യുഅടിമാലി✍

പാരിനുമുഴുവൻ പ്രത്യാശനൽകുന്ന
ഈശ്വരൻമനുഷ്യനായ് പിറന്നനാളിൽ
ഒരുധനുമാസത്തിൻ തണുപ്പുള്ള രാത്രിയിൽ
ഡിസംബറിൻമഞ്ഞിൻ
കുളിർമഴയിൽ
പാഴ്ജന്മമെന്നുഞാൻ കരുതിയെൻ ജീവിതത്തിൽ
പുതുജീവനായിയെൻ മകൾപിറന്നു
അനുഗ്രഹയെന്നൊരെൻ മകൾപിറന്നു
ജഗത്തിന്റെതമ്പുരാൻ അനുഗ്രഹിച്ചു
അന്ധകാരത്തെ മാറ്റിയെൻ ജീവിതത്തിൽ
ദിവ്യപ്രകാശം പകർന്നു നൽകി
കൊടുംവെയിൽവാടി തളർത്തൊരെൻ ജീവിതം
ജീവന്റെജലത്താൽ അവൾനിറച്ചു
ചോദ്യശരങ്ങളിൽ ഉഴറിപിടഞ്ഞപ്പോൾ
ഉത്തരമായിയവൾ അവതരിച്ചു
ചിരിക്കാൻ മറന്നൊരെൻ ജീവിതവഴികളിൽ
നിറപുഞ്ചിരിയാൽ കടന്നുവന്നു
അവൾ ആനന്ദതീർത്ഥം
പകർന്നെനിക്ക്
കാറ്റിലുലഞ്ഞൊരെൻ ജീവിത തോണി
ശാന്തമായ്കടവിൽ അടുപ്പിച്ചവൾ
എൻജീവിതത്തിൽ വസന്തമായ് തീർന്നു
ജീവന്റെജീവനാം പൊൻമകള്
ഈ കുഞ്ഞു മാലാഖ മുത്തിനെ തന്നൊരു
ഈശ്വരകൃപയ്കെന്നും നന്ദി നന്ദി..