🌹 മനുഷ്യൻ 🌹

രചന : ബേബി മാത്യു അടിമാലി✍

ഓരോമനുഷ്യനും ആത്യന്തികമായ്
ഓരോ പാഠപുസ്തകമല്ലോ
പലവിധ അനുഭവ പാഠങ്ങളുള്ളൊരു
പഠിച്ചാലും തീരാത്ത പുസ്തകമല്ലോ
ജയിച്ചവരും പിന്നെ തോറ്റവരും
ജയിച്ചിട്ട് തോറ്റുപോയവരും
കഥമതിയാക്കി വിട ചൊല്ലിയോർ
അരങ്ങുകൾമാറി ആടുന്നവർ
ചിലർ ചിരിപ്പിച്ചു ചിലർ കരയിച്ചു
ചിലരോ സ്വപ്നങ്ങൾ കാണാൻപഠിപ്പിച്ചു
മനുഷ്യനാദ്യം തിരിച്ചറിയേണ്ടതും
പഠിക്കേണ്ടതുമീ മനുഷ്യനെയല്ലേ ?
ആയുസ്സിൻനീളത്തിൽ അല്ലല്ലൊകാര്യം
കർമ്മത്തിൻ പുണ്യത്തിൽ ആയിടേണ്ടേ
ജനനത്തിനപ്പുറം മരണവുമുണ്ട്
ജനിമൃതിക്കിടയിലെ ജീവിതവും
ജിവിച്ചു തീർക്കുവിൻ ധന്യമീ ജീവിതം
നന്മതൻ കൈയ്യൊപ്പു ചാർത്തീടുവിൻ
ഇനിവരും തലമുറയ്ക്കോർമ്മിക്കുവാനയി
ഓർമ്മകൾ ഇവിടെ നട്ടുപോകൂ..