🌹 കവികളെ ഉണരുവിൻ🌹

രചന : ബേബി മാത്യുഅടിമാലി✍

കവികളെ നിങ്ങൾ ഉണർത്തെഴുന്നേൽക്കുവിൻ
കാലത്തിൻ മുൻപേ നടന്നു നീങ്ങുവിൻ
മൗനം വെടിഞ്ഞു നിങ്ങൾ വാചാലരാകുവിൻ
എഴുതുവിൻ നാടിതിൻ ദുരിതപർവ്വങ്ങളെ
കാലത്തിനൊത്ത് നിങ്ങൾ മാറുവാൻ ശ്രമിക്കുവിൻ
സമത്വമെന്നൊരാശയം നാടിതിൽ പകരുവിൻ
അന്ധവിശ്വാസങ്ങൾക്കെതിരെ എഴുതുവിൻ
അക്ഷരങ്ങളെ നിങ്ങൾ ആയുധങ്ങളാക്കുവിൻ
സാമൂഹ്യനന്മയേ ലക്ഷമായ്കരുതുവിൻ
അശരണർക്കു നിങ്ങളെന്നുമത്താണിയാകുവിൻ
വാളല്ല വാക്കാണായുധമെന്നറിയുവിൻ
വാക്കിനാലെ തീർക്കുവിൻ പുതിയസമരകാഹളം
മൂഡതത്വങ്ങളെ പുതുക്കിപണിയുവാൻ
മാനവരെ പ്രാപ്തരാക്കി മാറ്റുവാൻശ്രമിക്കുവിൻ
അറിവിന്റെ തിരിനാളമെങ്ങും തെളിക്കുവിൻ
പോയകാലത്തിൻ ചരിത്രംസ്മരിക്കുവിൻ
കവികളാണു കാല പ്രവാചകരെന്നറിയുവിൻ
കവിതകൾ നാടിതിനുണർത്തു പാട്ടാക്കുവിൻ
കഷ്ടപ്പെടുന്നവർക്കു കാവലാളാകുവിൻ
ദുഃഖിതർതന്നുടെ കണ്ണുനീരൊപ്പുവിൻ
അങ്ങിനെ നിങ്ങൾ ചരിത്രമായ് മാറുവിൻ
ഇനിവരും ജനതതിയ്ക്കു
മാതൃകയാകുവിൻ