🌹 കോലോത്തെ തമ്പ്രാട്ടീം കൂരേലെ കോരനും 🌹

രചന : ബേബി മാത്യു അടിമാലി ✍

കോലോത്തെ തമ്പ്രാട്ടീം കൂരേലെ കോരനും
പണ്ടൊരു നാളിൽ പ്രണയമായി
ജാതിമതത്തിെന്റെ വേലികൾ നോക്കതെ
ഹൃദയങ്ങൾതമ്മിലടുത്തുപോയീ
ഒത്തിരി മോഹങ്ങളൊത്തിരിസ്വപ്നങ്ങൾ
കണ്ടവർ ആനന്ദതേരിലേറി
എന്തുവന്നാലും പിരിയുകയില്ലന്ന
നിശ്ചയമുള്ളിലെടുത്തവര്
പാത്തും പതുങ്ങിയും പ്രണയങ്ങൾ കൈമാറി
കാലം പതുക്കെ കടന്നുപോയി
ഒരുദിനം തമ്പ്രാന്റെ ചെവിയിലതാരോ
ആ പ്രണയത്തിൻ കഥ പറഞ്ഞു
പൊട്ടിത്തെറിച്ചൊരാ തമ്പ്രാൻതന്നുടെ
അനുചരേയെല്ലാം വിളിച്ചുചേർത്തു
രാത്രിതൻ മറവിൽ കോരന്റെ കുടിലിന്
തീയിട്ടവർ കുടിൽ ഭസ്മമാക്കി
കോരന്റെ ജീവൻ പൊലിഞ്ഞുപോയി
ആ ചെറുപ്പക്കാരനോർമ്മയായി
പിന്നയാ നാട്ടിലാ തമ്പ്രാട്ടിയെ
ആരും ഒരിക്കലും കണ്ടതില്ല
മേലാേട്ടു പോയോ കീഴോട്ടു പോയോ ?
കോരന്റെ ആത്മാവിനോടു ചേർന്നോ ?
തമ്പ്രാക്കന്മാരു ചരിത്രമായി
കുടിയാൻ വ്യവസ്ഥിതി നിന്നുപോയി
എങ്കിലുമിന്നുമാ പ്രണയ കഥ
പാണന്മാർ തന്നുടെ നാവിലുണ്ട്