വാക്കുകളിടറിവീണ് പൊട്ടിക്കരയാനൊരു മൗനം ബാക്കി വെയ്ക്കാം
കൂടൊഴിഞ്ഞ ഹൃദയത്തിലെ കരുതാലായ്
ഏകാന്തതയുടെ കനത്ത ഇരുളിലൊരു തിരിവെളിച്ചമായ്
കരഞ്ഞു വീർത്ത കൺപോളകൾക്ക് കനംതൂങ്ങാൻ
അറ്റുപോയ പ്രതീക്ഷകൾക്ക് പതംപറഞ്ഞ് കലഹിക്കാൻ
ഓർമ്മയുടെ നെരിപ്പോടിൽ സ്വയം എരിഞ്ഞടരാൻ
നമുക്കൊരു മൗനം ബാക്കി വെക്കാം
ദേശാടനക്കിളികൾ യാത്ര പറയാറില്ല
തിരികെ വരാനൊരു തൂവൽ പ്രതീക്ഷയായ്
നമുക്കൊരു മൗനം ബാക്കിവെക്കാം
ബിന്ദു v K