🙏കൊല്ലാതെ കൊല്ലും നാടിത്🙏

രചന : കനകംതുളസി ✍

പുരിയുടെ ഹൃദയം
ശ്വാസംകിട്ടാതുഴലുന്നൂ
പുരിയുടെനാഥൻ
ബ്രഹ്മപുരമെരിയുന്നൂ.
പകലിരവുകളിവിടെ
രാസ,രാക്ഷസക്കാറ്റുകൾ വീശുന്നൂ.
പുകയുടെയിരുളിൽ വലയുന്നിവിടെ
പകലും കരിമൂടിയൊരു കൊച്ചുകൊച്ചീദേശം.
പലവിധ ദുരിതം പണ്ടേയിവിടുണ്ടാക്കി
പലരും ഭരിച്ചു പടച്ചൊരു മാലിന്യക്കൂമ്പാരമുണ്ടാക്കി.
പറയുമ്പോൾ പുകയുo
പകയുടെപുകയതുകൊണ്ട്
പലരും പത്തിമടക്കി
പുരയിലൊളിപ്പൂ ഹാ..കഷ്ടം.
പറയാനുണ്ടേറെക്കഥകൾ
പാടിപ്പറയാമീ ദുഃഖം.
പണമില്ലാഞ്ഞിട്ടല്ലീ പാരകളൊക്കെ കൊച്ചിക്ക്.
പലവഴിമുക്കിയൊഴുക്കി പലദേശംവാഴുന്നിവിടെ പലതരമേറും വീരന്മാർ.
പലരുടെ കൈയ്യാൽ പന്താടും
പാവംജനമാം നമ്മളവർക്കോ കളിപ്പാവ..!
പ്രതീക്ഷയോടെത്തും പുതുതലമുറയിവിടെപ്പുലരാൻ
പ്രതികരിക്കാം നമുക്കൊന്നായ്.
പാതകൾ പരിസരമൊക്കെ
പാവനമാക്കാനുണരുകയിവിടോരോമനവും.
🙏🥰അണിചേരാനെത്തുക അറിവിൻസോദരരേ… ഒരുദിവസം🥰🙏