🌷 നമ്മുടെ ആഘോഷങ്ങൾ🌷

ലേഖനം : ബേബി മാത്യു അടിമാലി✍

അതെ കൂട്ടുകാരേ, ആഘോഷങ്ങളുടെ ദിന രാത്രങ്ങൾ സമാഗതമായി.
വിഷു , ഈസ്റ്റർ, റമദാൻ നമ്മളെല്ലാം ഒരുമയോടെ ആഘോഷിക്കുന്ന പുണ്യദിനങ്ങൾ .
ആഹ്ലാദത്തിന്റെ , ആവേശത്തിന്റെ , ആരവങ്ങളുടെ ദിനരാത്രങ്ങൾ . ഈ ആഘോഷങ്ങളുടെ സന്തോഷങ്ങളിൽ അഭിരമിക്കുമ്പോഴും ഒരു സാമൂഹ്യ ജീവിയെന്നുള്ള നിലയിൽ ചില കാര്യങ്ങൾ നാം ഓർക്കേണ്ടതുണ്ട്.

ഈ ആഘോഷ വേളകളിൽ സന്തോഷിക്കുവാൻ സാധിക്കാത്ത ചെറുതല്ലാത്ത ഒരുജനസമുഹം നമ്മുടെ ഇടയിൽ ഉണ്ട് എന്നുള്ള കാര്യം വിസ്മരിക്കരുത്.
കരിപുരണ്ട കുറെ ജീവിതങ്ങൾ . നമ്മളെ പോലെ തന്നെ മോഹങ്ങളും സ്വപ്നങ്ങളും പ്രതീക്ഷകളും ഒക്കെയുള്ള കുറെ മനുഷ്യർ ഈ സമൂഹത്തിലുണ്ട്. ഉണ്ണുവാൻ ഇല്ലാതെ, ഉടുക്കുവാനില്ലാതെ, തലചായ്ക്കുവാൻ വാസയോഗ്യമായ വിടുകളില്ലാത്ത നിസ്വരായവർ , നിരാലംബരായവർ സമുഹത്തിന്റെ മുഖ്യധാരയിൽ നിന്നും പല വിധ കാരണങ്ങളാൽ പിന്തള്ളപ്പെട്ടു പോയവർ .

അവരോടുള്ള കരുതൽ ആയിരിക്കണം അവർക്കുള്ള
കൈതാങ്ങായിരിക്കണം ഓരോ ആഘോഷവേളകളും എന്ന് മറക്കാതിരിക്കുക.
എല്ലാ ആഘോഷങ്ങൾക്കും ഒരു പിറേറന്ന് ഉണ്ടാകും. ഒരു ആഘോഷപിറ്റേന്ന് . പച്ചപ്പിന് വരൾച്ച പോലെ, യുവത്വത്തിന് വാർദ്ധക്യം പോലെ, വെളിച്ചത്തിന് ഇരുട്ടു പോലെ, കുന്നിന് കുഴി പൊലെ , .ഈ വിചാരം മനസ്സിൽ ഉണ്ടെങ്കിൽ ആഘോഷങ്ങളിൽ ഒരു പരിധി വിട്ട്ആഹ്ലാദിക്കുവാൻ നമുക്ക് കഴിയുകയില്ല.

ഈ പ്രസരിപ്പുംയുവത്വവും നാളെ കെട്ടടങ്ങുമെന്ന് നല്ല ബോധ്യം ഉണ്ടാകണം. യുവത്വമേ നി എടുത്തു വെക്കുന്ന ഓരൊ ചുവടുകളും , ചുളിവുവീഴുന്ന വരണ്ട പാടങ്ങളിലേക്കാണെന്നഓർമ്മവേണം.
കണ്ണടച്ച് ഒന്നാആലോചിക്കുമ്പോൾ വലുതെന്ന് തോന്നിയതെല്ലാം ചെറുതാകുന്നു. കൂടെ ഉണ്ടായിരുന്ന സൗഭാഗ്യങ്ങൾ എല്ലാം അർത്ഥമില്ലാത്തവയായിരുന്നു എന്ന് തിരിച്ചറിയാൻ ഒരു പാട് വൈകി പോകുന്ന ആയുസ്സിന്റെ പേരാണി നമ്മൾ .
നന്മകൾ ചെയ്യാം . കൊണ്ടുപോകാൻ ഒന്നുമില്ലാത്ത ഈ ലോകത്ത് കൊടുത്തു പോകാം കുറെ നന്മകളും അവയുടെ ഓർമ്മകളും .
വിഷു, റമദാൻ, ഈസ്റ്റർ ദിനാ ശംസകളോടെ ……
🙏🙏🙏