🌹 സ്വാർത്ഥ മോഹങ്ങൾ 🌹

രചന : ബേബി മാത്യു അടിമാലി✍

ഒരുപാടു സ്വപ്നങ്ങൾ ഉള്ളിന്റെയുള്ളിൽ
ഗോപുരം പണുതിടുമ്പോൾ
സ്വാർത്ഥമോഹങ്ങൾ പ്രലോഭനമായി
മനസ്സിൽ ജനിച്ചിടുമ്പോൾ
കരയാതെ കരഞ്ഞും
ചിരിക്കാതെ ചിരിച്ചും
മൂടുപടത്തിൻ തിരശ്ശീല നെയ്തു നാം
വിഡ്ഡികളാക്കിടുന്നു
അപരനെ നിർധയം വഞ്ചിക്കുന്നു
കാലത്തിനോടും ലോകത്തിനോടും
കപടതകാട്ടിടുന്നു
സത്യത്തിൻ വഴിയേ ചരിക്കേണ്ട നമ്മൾ
തിന്മയിലാറാടുന്നു
എത്രകാലം ഇനിയെത്രകാലം
നാളത്തെ പുലരികൾ കാണാൻ നമുക്ക്
കഴിയുമെന്നെന്താണുറപ്പ്
ഇനിയുള്ള കാലം നീതിതൻ മാർഗ്ഗേ
ചരികുവാൻ കഴിയട്ടെ സോദരരേ