🌹 ഗഫൂർകാ ദോസ്തിനുവിട 🌹

രചന : ബേബി മാത്യു അടിമാലി✍

മലയാള മണ്ണിനെ പൊട്ടിച്ചിരിപ്പിച്ച
ചിരിയുടെതമ്പുരാൻ വിടപറഞ്ഞു
വാക്കിലും നോക്കിലും ഹാസ്യം വിളമ്പിയ
മാമ്മുകോയയിന്നോർമ്മയായി
ശുദ്ധനർമ്മത്തിന്റെ പര്യായമായ്
നാട്യങ്ങളില്ലാത്ത നടനകാന്തി
നാടോടിക്കാറ്റും ഗഫൂർകാദോസ്തും
മലയാളനാടു മറക്കുകില്ല
തടിമില്ലുജോലിയും നാടകവും
സുൽത്താനുമായുള്ള ചങ്ങാത്തവും
കോഴിക്കോടിന്റെ സാഹിത്യവും
ആ മഹാപ്രതിഭയെ വാർത്തെടുത്തു
ഇനിയെത്രകാലം കഴിയണമീമണ്ണിൽ
ഇത്തരം പ്രതിഭകൾ പിറവികൊള്ളാൻ
ആ മഹാശ്രേഷ്ഠനാം അഭിനയസാമ്രാട്ടിനേകുന്നു
ഞാനെന്റെ അശ്രൂപൂജ
കണ്ണീർകണങ്ങളാൽ പുഷ്പാഞ്ജലി 🙏🙏🙏