🌹 നക്ഷത്രമായി മാറിയ” നക്ഷത്രമോൾ “🌹

രചന : ബേബി മാത്യു അടിമാലി✍

ദുഷ്ടനാം മർത്യന്റെ ക്രൂരമാം ചെയ്തിയിൽ
ഞെട്ടിത്തരിച്ചുപോയ് ഹൃത്തടമിന്നെന്റെ
മദ്യലഹരിയിൽ ” നക്ഷത്ര ” കുഞ്ഞിന്റെ
ജീവനെടുത്തവൻ താതനോ കാലനോ ?
സാക്ഷര കേരളം അറിവിന്റെ നാടിത്
തല കുനിച്ചീടുന്നു ലജ്ജയാൽ ലോകമേ
ഭൂമിയ്ക്കു പോലും അപമാനമായിടും
ഇത്രനികൃഷ്ടമാം ദുഷ്കർമ്മമെങ്ങിനെ
ചെയ്യാൻകഴിഞ്ഞൊരീ ശാപജന്മത്തിന്
മയക്കുമരുന്നിൻ പിടിയിലമർന്നവൻ
സ്വന്തവും ബന്ധവുമെല്ലാം മറന്നവൻ
നാട്ടിലും വീട്ടിലും വില്ലനായ് തീർന്നവൻ
എത്രയോ ജന്മങ്ങൾ തല്ലിതകർത്തവൻ
മാതാപിതാക്കളും ഭാര്യയും മക്കളും
അവരുടെ ജീവിത സ്വപ്നങ്ങളൊക്കെയും
മദ്യപാൻ തല്ലിതകർത്തിടുന്നു
എത്രയോ ഇമ്പമായ് കൂടികഴിയേണ്ട
വീടുകൾ ചുടലപറമ്പാക്കി മാറ്റിടും
മദ്യം നമുക്കിനി വേണ്ടയെൻ കൂട്ടരേ
മയക്കുംലഹരിയും വേണ്ട നമുക്കിനി
നാടിതിൻ രക്ഷയേ ഓർത്തെങ്കിലും
വീടിന്റെ നന്മയ്ക്ക് വേണ്ടിയായും