🌹 ലഹരി വിമുക്ത കേരളം 🌹

രചന : ബേബി മാത്യു അടിമാലി✍

നമുക്കുയർത്താം ലഹരി വിമുക്ത
കേരളമെന്നൊരു സന്ദേശം
ലഹരി വിരുദ്ധ പോരാട്ടത്തിൽ
അണിചേരുക നാം സ്നേഹിതരേ
നാട്ടിൽ വീട്ടിൽ ജീവിതമെല്ലാം
ദുസ്സഹമാക്കും വിഷലഹരി
നാളെ വരുന്നൊരു പുതുതലമുറയുടെ
ഭാവിയതോർത്തു പ്രവർത്തിക്കാം
അപകടകരമാം ലഹരി വിഷങ്ങൾ
എന്നന്നേയ്ക്കുമുപേക്ഷിക്കാം
ലഹരിക്കടിമകളായൊരു ജനത
നാടിതിനാപത്തറിയുക നാം
നാട്ടിലശാന്തി വിതയ്ക്കുമവർ
നാടിതു നരകമതായ് മാറും
നാശത്തിന്റെ വക്കിൽ നിൽക്കുമീ
നാടിനെ രക്ഷിക്കാൻവേണ്ടി
നാടു നശിക്കാൻ കൂട്ടു നിൽക്കും
മദ്യമാഫിയകൾക്കെതിരായി
പ്രതിരോധങ്ങളുയർത്തുക നാം
പുതിയൊരു കേരള സൃഷ്ടിക്കായ്
ഇവിടെ ഉയർത്തുക ലഹരി വിമുക്ത
കേരളമെന്നോരു സന്ദേശം