🌷 ചാന്ദ്രയാൻ – അഭിമാന നിമിഷം 🌷

രചന : ബേബി മാത്യുഅടിമാലി ✍

ചാന്ദ്രയാൻ തിങ്കളിൻ മണ്ണിലിറങ്ങി
ചന്ദ്രിക കോരിത്തരിച്ചുനിന്നു
കോടാനുകോടിയാം ഭാരത ജനതയും
അഭിമാന നിമിഷത്തിൻ സാക്ഷിയായി
പാരിന്റെ നടുവിലായ് ഭാരത ശാസ്ത്രജ്ഞർ
തലയുയർത്തിയിന്നു നിന്നിടുന്നു
ശാസ്ത്രക്കരുത്തിലീ ഭാരത ദേശവും
ലോകത്തിൻ നെറുകയിലെത്തിയിപ്പോൾ
പാശ്ചാത്യ രാജ്യങ്ങൾ നേടാത്ത നേട്ടങ്ങൾ
ഭാരതം സ്വന്തമായ് നേടിയിന്ന്
ഇനിയുമൊരുപാടു മുന്നോട്ട് പോകണം
വിണ്ണിലെ രഹസ്യങ്ങൾ അറിയുവാനായ്
ബുദ്ധിയിൽ ശക്തിയിൽ ആരുടെ പിന്നിലും
ആകില്ലയീദേശമൊരുകാലവും
ഇന്ത്യൻ ജനതയ്ക്കു അഭിമാനമായോരാ
ശാസ്ത്രകാരന്മാർക്കിന്നഭിവാദനം
എന്റെ ഹൃദയത്തിൽ നിന്നുള്ള അഭിനന്ദനം