🌷 ഓണപ്പാട്ട് 🌷

രചന : ബേബി മാത്യു അടിമാലി✍

മാമലനാടിൻ ഉത്സവമാകും
ഓണം വന്നല്ലോ
മലയാളികളുടെ ദേശീയോത്സവം
ഓണമതാണല്ലോ
ഊഞ്ഞാലാടാം പുലികളിയാവാം
ആനന്ദത്തോടെ
വഞ്ചിപ്പാട്ടിൻ താളത്തോടെ
വള്ളം കളിയാവാം
ഓണത്തപ്പനെ വരവേൽക്കാനായ്
തീരുവാതിരയാടാം
മുറ്റം നിറയെ പൂക്കളമിടുവാൻ
പൂക്കളിറുത്തീടാം
ഇല്ലം നിറയണു വല്ലം നിറയണു
ഓണക്കാലത്ത്
പട്ടിണിയില്ല പരിഭവമില്ലീ ഓണത്തിൻ കാലം
സമഭാവനയുടെ ഓർമ്മകൾ നമ്മളെ
ഒന്നിപ്പിക്കുന്നു
സഹോദര്യ പെരുമകളിവിടെ വീണ്ടുമുദിക്കുന്നു
നാമൊന്നാണെന്നൊരു സന്ദേശം
ഹൃത്തിലുദിക്കുന്നു
ജാതി മതത്തിൽ വേലികെട്ടുകൾ
തകർന്നുവീഴുന്നു
കേരളമെങ്ങും ആനന്ദത്തിൻ പൂക്കളമാകുന്നു
ദൈവത്തിന്റെ സ്വന്തം നാടായ്
നാടിതു മാറുന്നു