🌷 വ്യാജങ്ങൾ 🌷

രചന : ബേബി മാത്യു അടിമാലി✍

കാണുന്നതെവിടെയും
പൊയ്മുഖങ്ങൾ
കേൾക്കുന്നു ധാരാളം കള്ളവാർത്ത
സ്നേഹഭാവത്തിലെ
ചിരികൾക്കു പിന്നിലായ്
ചതിയുടെ
അട്ടഹാസങ്ങളുണ്ട്
പാവം ജനത്തിനെ
പറ്റിക്കുവാനുള്ള
തന്ത്രങ്ങൾ മെനയുന്നു
നേതൃവർഗ്ഗം
നേരെന്നു തോന്നിക്കും നുണകളാണിന്നീ
നാടിന്റെ നാശങ്ങളറിയണം നാം
കഥയെന്തെന്നറിയാതെ
ആട്ടങ്ങൾ കാണുന്ന
കാണികളായ് നമ്മൾ മാറിടല്ലേ
വ്യാജ പ്രഭാഷണം
വ്യാജ പ്രമാണങ്ങൾ
വ്യാജമാണിന്നിന്റെ നീതിശാസ്ത്രം
ചാനലിൽ പത്രത്തിൽ നിറയുന്ന വാർത്തകൾ
മിക്കതും
വ്യാജമാണറിയുക നാം
അധികാരമോഹത്താൽ സ്വാർത്ഥലാഭത്തിനായ്
നുണകൾ പടർത്തുന്നു നാട്ടിലെങ്ങും
കണ്ണു തുറക്കുവിൻ
സത്യം തിരയുവിൻ
കരുതിയിരിക്കുവിൻ
വ്യാജങ്ങളേ