🌷 അനശ്വരനായ അലൻഡെ 🌷

ലേഖനം : ബേബി മാത്യു അടിമാലി✍

സാൽവദോർ അലൻഡെ , ചിലിയൻ ജനത എക്കാലവും ആദരിക്കുന്ന മഹാനായ ഭരണാധികാരി .
ചിലിയൻ ജനതയുടെ സുവർണ്ണകാലമായിരുന്നു അലൻഡെയുടെ ഭരണകാലം. രാജ്യത്തിന്റെ മുക്കും മൂലയും അവിടെയുള്ള ജനങ്ങളുടെ പ്രശ്നങ്ങളും പ്രതീക്ഷകളും അദ്ദേഹത്തോളം അറിഞ്ഞ മറ്റൊരു നേതാവും ഉണ്ടായിരുന്നില്ല.
അമേരിക്കൻ കുത്തകകൾ കൈവശം വെച്ചിരുന്ന ചെമ്പു വ്യവസായം അദ്ദേഹം ദേശസാൽക്കരിച്ചു. അങ്ങിനെ രാജ്യത്തെ സാമ്പത്തീക സ്വയംപര്യാപ്ത്തതയിലേക്ക് നയിച്ചു.

സ്ത്രീകളുടെ അവകാശങ്ങൾക്കു വേണ്ടി സംസാരിച്ച ഒരേയൊരു ഭരണാധികാരി ആയിരുന്നു അദ്ദേഹമെന്ന് ഇന്നും ചിലിയിലെ സ്ത്രികൾ സ്മരിക്കുന്നു.
ചിലിയുടെ തെക്കുഭാഗത്തുള്ള വൾപറൈയ്സോ എന്ന സ്ഥലത്താണ് 1908 ജൂൺ 26 ന് അലൻഡെയുടെ ജനനം. പഠനത്തിൽ മിടുക്കനായിരുന്ന അദ്ദേഹം ഉയർന്ന മാർക്കോടെയായിരുന്നു ബിരുദ പഠനം പൂർത്തിയാക്കിയത് . പഠനകാലത്തായിരുന്നു സോഷ്യലിസ്റ്റ് സാഹിത്യ കൃതികളിലേക്ക് അദ്ദേഹത്തിന്റെ കണ്ണുകൾ തുറന്നത്. ആ ആശയങ്ങൾ സാധാരണ മനുഷ്യരോടുള്ള അടങ്ങാത്ത സഹാനുഭൂതിയുടെയും കരുതലിന്റെയും മരണം വരെയുള്ള പോരാളിയാകുവാൻ അദ്ദേഹത്തെ പ്രേരിപ്പിച്ചു.
സാമ്രാജ്യത്വ ശക്തികളുടെ പിന്തുണയോടെ നടന്ന പട്ടാള അട്ടിമറിയിൽ 1973 സെപ്റ്റംബർ 11 ന് ആ ജനനായകനായ വിപ്ലവകാരിയുടെ അധികാരം നഷ്ടപ്പെടുകയും അദ്ദേഹത്തെ അവർ വധിക്കുകയും ചെയ്തു.

ഏന്നാൽ ഈ അമ്പതാം രക്തസാക്ഷി ദിനത്തിലും ഒരു തീർത്ഥാടനം പോലെ ചിലിയൻ ജനത അവരുടെ നായകനെ കാണാൻ വലപ്രായിസായിലെ ശവകുടിരത്തിലേക്ക് ഒഴുകിയെത്തുന്നു.
അതെ , അനശ്വരനായ വിപ്ലവകാരിക്ക് മരണമില്ല.