🌹 കാലം സാക്ഷി 🌹

രചന : ബേബി മാത്യു അടിമാലി✍

കാലമേ നീയാണു സാക്ഷി
എന്റെ
കർമ്മപഥങ്ങൾക്കു സാക്ഷി
അന്നെന്റെ വീഴ്ച്ചകൾ
ആഘോഷമാക്കിയോർ
അന്നെന്റെ കണ്ണീരു കാണാത്തവർ
കരുതിയില്ലാരുമേ
കനലൊരു തരിമതി
അഗ്നിതൻ
വന്മല ആയിമാറാൻ
ഹൃദയത്തിൽ സൂക്ഷിച്ച
കനലിന്റെ തരിയുമായ്
എത്രയോ കാലമീ ഞാനലഞ്ഞു
അന്നെന്റെ വഴികൾമുടക്കിയ മുള്ളുകൾ
പുഷ്പ്പങ്ങളായിന്നു മാറ്റി കാലം
അന്നെന്റെ മോഹങ്ങളെല്ലാം കരിഞ്ഞു പോയ്
ഇന്നവയെല്ലാം തളിർത്തു പൂത്തൂ
കാലം കരുതിയ നീതിസാരങ്ങളെ
നിങ്ങളാണിന്നെന്റെ
കർമ്മസാക്ഷി
ഇനിയെത്ര കാലമീ ജീവിത നാടകം
തുടരുമെന്നറിയാതെയുഴറിടുമ്പോൾ
നീയാണു കാലമേ നൽകേണ്ടതുത്തരം
എൻ ജീവിതത്തിൻ വഴിത്താരയിൽ
ആരോടുമില്ല പിണക്കം പരിഭവം
എല്ലാവരോടും ഇണക്കം
എനിക്കെല്ലാവരോടും വണക്കം