🌸 നെറ്റും – നീറ്റും 🌸

രചന : ബേബി മാത്യു അടിമാലി✍

ചോദ്യപേപ്പറ് വിൽക്കും കാലം
“നെറ്റും ” ” നീറ്റും ” നീറ്റലതായി
വിദ്യാർത്ഥികളുടെ ഭാവി തുലക്കും
കശ്മലർവാഴും കാലമിത്
പണമുണ്ടെങ്കിൽ
ഉന്നത വിജയം
ആർക്കും നേടാമിന്നിവിടെ
പണമില്ലാത്തവൻ പിണമാകുന്നു
നാണംകെട്ട പരീക്ഷകളിൽ
പരിപാവനമായ് കരുതിയിരുന്ന
പരീക്ഷകളിന്നു പരീക്ഷണമായ്
കതിരും പതിരും എതെന്നറിയാ –
തുഴലുന്നു ജനതതിയാകേ
കോരനു കുമ്പിളിൽ
കഞ്ഞിവിളമ്പുന്നിന്നും
നമ്മുടെയരചന്മാൻ
അറിവിന്
വിലയില്ലാത്തൊരുകാലം
അടവുകളറിവായ് തീരുന്നു
അഴിമതിവീരർ അരങ്ങുവാഴും
നാട്ടിൽ നീതി നടന്നിടുമോ
ഇനിയും നമ്മൾ മൗനികളായാൽ
നാടിത് നരകമതായിടും
ഉയർത്തിടു നാം നേരിൻശബ്ദം
നീതിക്കായി തെരുവുകളിൽ
അടിയറവെയ്ക്കരുതൊരു കാലത്തും
നീതിബോധത്തെ നമ്മൾ