🖤മൃണ്മയശരീരരേ. സ്വസ്തി🖤

രചന : കൃഷ്ണമോഹൻ കെ പി ✍

മാധവൻ ചൊല്ലിയ വാക്കുകളങ്ങനെ
മലയാളം മെല്ലെ മറന്നിടുമ്പോൾ
മലകൾ കരയുന്നു, മരങ്ങളുമുലയുന്നു
മലയുടെ കണ്ണീർപ്രവാഹത്തിലായ്
മണ്ണങ്ങിടിയുന്നു മരണം വിതയ്ക്കുന്നു
മലയാളി മെല്ലെ വിതുമ്പിടുന്നൂ
മരതകപ്പച്ചയാൽ സുന്ദരഗാത്രിയായ്
മരുവിയ വയനാടും കേണിടുന്നൂ
മനിത ജന്മങ്ങളോ ചെളിയിൽ പുതഞ്ഞുള്ള
മരണത്തിൽ മഗ്നരായ് മാറിടുന്നൂ
മാമക ചിത്തത്തിൽ മരണത്തിൻ രണഭേരി
മന്ത്രധ്വനിയായ് മുഴങ്ങിടുമ്പോൾ
മരണത്തെപ്പുൽകിയ വയനാടിൻ മക്കളേ
മനമൊന്നുരുകിപ്പോയ്, സത്യമത്രേ
മനതാരിൽ മുരുകനും, നാവാമുകുന്ദനും
മന:ശാന്തിയേകുവാനെത്തിയാലും
മനമൊന്നു ശാന്തമായ്ത്തീർക്കുവാൻ മക്കളേ,
മന്വന്തരങ്ങൾക്കും സാധ്യമാമോ?🙏🏿