🌹 ദുരിതാശ്വാസം 🌹

രചന : ബേബി മാത്യു അടിമാലി✍

തിങ്കൾ തെളിമയിലിന്നു കുറിക്കാം
കദനത്തിൽ ചിലവരികൾ ഞാൻ
വയനാടിൻ്റെ ചുരത്തിനുതാഴെ
കേൾക്കും മർത്യവിലാപങ്ങൾ
കലിതുള്ളിവരും പെരുമഴയിൽ
പൊട്ടിച്ചിതറിയ മാമലകൾ
മരണം താണ്ഡവമാടിയ മണ്ണിൽ
ഹൃദയംനൊന്ത വിലാപങ്ങൾ
എത്ര നിസ്സാരർ മനുഷ്യർ നാം
ഒരു നീർക്കുമിളയതല്ലോ നാം
ഇനിയും നമ്മൾ പഠിക്കാനുണ്ട്
ജീവിതമെന്ന മഹാ പാഠം
ഉറ്റവരുടയവർ നഷ്ടപ്പെട്ടൊരു
സോദരരേ സംരക്ഷിക്കാൻ
അവരുടെ കദന കണ്ണീരൊപ്പാൻ
അവർക്കു കൈത്താങ്ങായിടാൻ
നാമല്ലാതിനിയാരുണ്ട് നാമല്ലാതിനിയാരുണ്ട്
തകർന്നുപോയൊരു ജനതതിയേ
ചേർത്തുപിടിക്കാൻ തുണയാവാൻ
അവർക്കുവേണ്ടി തണലേകാൻ
ദുരിതാശ്വസനിധിയിൽ നമ്മൾ
കഴിവതുപോലെ സഹായിക്കു
ഉള്ളതുപോലെ കൊടുത്തീടൂ
നമ്മൾ നൽകിടുമോരോപണവും
തകർന്നു പോയൊരു മർത്യർക്കിനിയും
ജീവിതവാടിയൊരുക്കീടും
അവരുടെ സ്വപ്നങ്ങൾക്കിവിടിനിയും
വീണ്ടും ചിറകുമുളച്ചീടും