💞മഹാത്മാ അയ്യങ്കാളി💞

രചന : കനകമ്മ തുളസീധരൻ ✍

വെങ്ങാന്നൂരിൻ ധീരയോദ്ധാവയ്യങ്കാളിയേ
സാധുജന പരിപാലകൻ അയ്യങ്കാളിയേ
മണ്ണിനുംവിണ്ണിനും
അഭിമാന മായൊരയ്യങ്കാളിയേ
ആശയഗംഭീരനായൊരയ്യങ്കാളിയേ
നമിക്കുന്നു.. .നമിക്കുന്നു
നമിച്ചീടുന്നങ്ങയേ..
അസ്സമത്വത്തിന്നെതിരായോനേ
അനാചാരത്തിന്നതിരിട്ടൊരയ്യനേ
ആശങ്കയില്ലാതടരാടിയോരു ധീരനേ
വർണ്ണവെറിക്കായങ്ങടരാടിയൊരയ്യനല്ലയോ
അയ്യനേ.. അയ്യങ്കാളിയേ
അയ്യനേ ..അയ്യങ്കാളിയേ
സംഘടിച്ചു ശക്തികാട്ടി
സഞ്ചാരസ്വാതന്ത്ര്യമങ്ങു നേടി
സാധുജനപരിപാലനവുമങ്ങു സാദ്ധ്യമാക്കിയില്ലയോ
അജയ്യനാണങ്ങുനീ
അകതളിരിൽ അലയൊലിയായി
അരങ്ങുവാണോരു പുണ്യമാണങ്ങുനീ.
ജന്മിമാർക്കുമാത്രമല്ല
ജന്മമെടുത്തതൊക്കെയെന്ന്
ജന്മസിദ്ധമായ വീറുകാട്ടി
ജന്മിമാരെക്കാട്ടിക്കൊടുത്തോനുമീ ധീരനല്ലയോ .
വില്ലുവണ്ടിയേറിവന്ന വീരപുരഷ യോദ്ധാവേ
കല്ലുമാലസമരമൊന്ന്
കല്ലുപോലെയേറ്റെടുത്ത്
പെൺമനസ്സുകൾക്കുമങ്ങുധൈര്യമേകി
മലയാളമണ്ണിലന്ന്
വീരനായകനായിത്തീർന്ന
ധീരചരിതകർമ്മപൂരുഷാ
നമിക്കുന്നു… നമിക്കുന്നൂ
വിദ്യകൊണ്ട്
നേരറിഞ്ഞ്, നോവറിഞ്ഞ്
പോരടിച്ച് നേടിയെടുത്ത വിഖ്യാതജാതനേ
അയ്യങ്കാളിമഹാത്മാ…
ആദരം… ആദരം…
അഭിമാനാദരം.
✍️