🪭തമരിൻ്റെ താളം ഹൃദയത്തിലൂടെ🪭

രചന : കൃഷ്ണമോഹൻ കെ പി ✍

കേട്ടങ്ങുണരുന്നു
തരുലതാ വൃന്ദങ്ങൾ സുപ്രഭാതേ
തരണി തൻ പിറവിയെക്കാണാൻ കൊതിയ്ക്കുന്നു
ധരണീതലത്തിലെ, ജീവ ജാലം
തിരുജടാധാരിയാം, ശിവനുടെ ഭാവങ്ങൾ
തിരുവാതിരപ്പാട്ടു കേട്ടിടുമ്പോൾ
തിരു തൃശ്ശൂലവുമേന്തി നില്ക്കും ദേവൻ
തൃക്കണ്ണു മെല്ലെത്തുറന്നുവെന്നോ?
തൃപ്തിവരും വരെ ജീവിച്ചു തീരുവാൻ
തപ്തരീ ഞങ്ങൾക്കു യോഗമില്ലാ
തൃഷ്ണയിൽ മേവുന്ന ഭൂതലവാസികൾ
തൃക്കാല്ക്കൽ ദീപം കൊളുത്തിവയ്പ്പൂ
തന്മനസ്സാക്ഷിതൻ സൗഭഗം പേറിയാ
താന്താങ്കൾ തന്നുടെ സ്വപ്നങ്ങളിൽ
തന്മയത്വത്തോടെ വാഴുമെൻ കൂട്ടരേ
തത്വമസീമന്ത്ര സുപ്രഭാതം🪭