🪈അക്ഷയയായ അക്ഷര സുന്ദരിയോട് 🪈

രചന : കൃഷ്ണമോഹൻ കെ പി ✍

അതുലേ നീ അധരത്തിൽ അമൃതുമായെത്തുമ്പോൾ
അവിടെ ആ യാമങ്ങൾ പുളകാങ്കിതം
അമലേ നീ അക്ഷര സുന്ദരിയാകുമ്പോൾ
അവനിയും അടവിയും രാഗാർദ്രമായ്
അനുപമ സൗന്ദര്യലഹരിയായെത്തീടിൽ
അനഘമാം സ്വപ്നങ്ങൾ താരണിയും
അലസതാ വിലസിതയായ് വന്നു നീ നിന്നാൽ
അതുമൊരു ഭാവനയേകിടുന്നൂ
അമരത്വമേകുന്ന അക്ഷരദീക്ഷ തൻ
അതുലിതവരമേറ്റുവാങ്ങുവാനായ്
അരമാത്രമോഹിച്ചു നിന്നൂ സരസ്വതീ
അവിടുന്നീ നവരാത്രി ധന്യമാക്കൂ🪶