🪭 സ്കന്ദമാതാവേ,വന്ദനം🪭

രചന : കൃഷ്ണമോഹൻ കെ പി ✍

സിംഹസംഗത് നിത്യം പത്മമഞ്ചിതാ കരദ്വയം
ശുഭദസ്തു സത്ദേവീ, സ്കന്ദമാതാ , യശസ്വിനി
ഓം, സ്കന്ദമാതായൈ നമ:
പീതവർണ്ണാങ്കിതേ,അധ്വാനശീലർ തൻ
ഭീതികളൊക്കെയൊഴിക്കുന്ന ദേവതേ
പഞ്ചഭൂതാത്മക ദുർഗ്ഗയാം ദേവി നീ
അഞ്ചാം ദിനത്തിലെ മാതേ നമസ്തുതേ
കഞ്ജവിലോചനൻ കാർത്തികേയൻ തൻ്റെ
മഞ്ജുളഗാത്രിയാം, മാതാവു നീയല്ലോ
കുഞ്ജ കുടീരത്തിലല്ലാ കുമരൻ്റെ
നെഞ്ചകം തന്നിൽ വിളങ്ങി നില്ക്കുന്നു നീ
സ്കന്ദൻ്റെയമ്മ, കഠിനപ്രയത്നത്തിൻ
സംസ്ക്കാരമോതുന്ന പുണ്യ പ്രഭാമയീ
കൈവല്യമേകുന്നു ആത്മ പ്രബോധിനി
കല്മഷഹീന നീ ശ്രീ ദുർഗ്ഗയായ്
ഭോഗങ്ങളുള്ളിൽ അഭിരമിക്കുന്നൊരീ
ഭൂലോകവാസികൾക്കൊക്കെയും നീ
ഭാവുകമേകും ഭഗവതിയായെത്തി
ഭാസുരേ, സ്കന്ദമാതാവേ, ജയ, ജയ🙏