🙏🏿അംബേ,കാർത്യായനീ, പ്രസീദ, പ്രസീദ✍️

രചന : കൃഷ്ണമോഹൻ കെ പി ✍

ചന്ദ്രഹാസോജ്ജ്വലകര
ശാർദ്ദൂലവര വാഹനാ
കാത്യായനീ ശുഭം ദത്യാ
ദേവീ,ദാനവഘാതിനീ *
ചേർത്തലയ്ക്കാകവേ കീർത്തി വരുത്തിടും
ആർത്തപരായണീ കാർത്യായനീ,
സുന്ദരാകാരത്തിൽ മേവും മഹേശ്വരീ
സിംഹപ്പുറത്തങ്ങിരിപ്പവളേ
കാത്യൻ, തപസ്സിനാൽ കൈവരിച്ചുള്ളൊരു
കാത്യായനി, ആറാം ദിനത്തിലമ്മ
പിംഗലവർണ്ണസ്വരൂപിണിയായ് വന്നു,
പിന്നാലെ ധൈര്യവുമേകിടുന്നൂ
കുമരന്നു നിർമ്മിച്ച ക്ഷേത്രത്തിലെത്തി നീ
കുടി കൊണ്ടു കുമാരനല്ലൂരുമെന്ന്
കുസുമപ്രഭേ, ചൊന്നിട്ടമ്പലം തന്നിലായ്
കുമുദവദനേ, നീ വാണിടുന്നൂ
ഷഡ്ഭാവ, മോഹ, രസങ്ങളെയൊക്കവേ
സദ്ചിന്ത, തന്നിലായ് കോർത്തിണക്കി,
സാഗരവീചികൾ പോലേയണിയുന്നു
സന്മാർഗദായിനി കാർത്യായനീ…….
🎨🙏🏿🎨🙏🏿🎨🙏🏿
അംബികേ, ജഗദംബേ