🙏ഓർമ്മയിലെ വയലാർ 🙏

രചന : ബേബി മാത്യു അടിമാലി✍️

മഹാനയ കവി വയലാറിൻ്റെ ഓർമ്മ ദിനത്തിൽ പ്രണാമം അർപ്പിച്ചു കൊണ്ട്….🙏🌹

വിശ്വസംസ്ക്കാര വീഥിയിൽ നിന്നൊരു
ഉച്ചത്തിലുള്ള കുളമ്പടി കേട്ടു ഞാൻ
നേരിൻ്റെ തൂലിക കൈകളിലേന്തിയ
വിപ്ലവത്തിൻ കവി നിൽക്കുന്നു ധീരനായ്
വയലാറു ദേശത്തുനിന്നുമുയിർക്കൊണ്ട്
മലയാള ഭാഷയ്ക്കു മണിമാല ചാർത്തിയോൻ
ലോകനന്മയ്ക്കായി അഗ്നിസ്ഥുടം ചെയ്ത
വാക്കുകൾ കൊണ്ടങ്ങെഴുതി കാവ്യങ്ങളും
അദ്ധ്യാന വർഗ്ഗത്തിനത്താണിയായവൻ
ആലംബഹീനർക്ക് അഭയമായ് മാറിയോൻ
കാലഘട്ടത്തിൻ വഴികളിൽ വന്നൊരാ
മാറ്റത്തിനായി തൂലികയേന്തിയോൻ
ഓരോ കവിതയും അടിയാള വർഗ്ഗത്തിൻ
വിപ്ലവചിന്തിൻ വരമോഴിയാകവേ
കാലം തികയുന്നതിൽ മുൻപേയായന്ന്
ഇഹലോകവാസം വെടിഞ്ഞു പറന്നു പോയ്
മരണമില്ലത്തൊരാ ഓർമ്മകൾ നൽകി
ജീവിച്ചിടും കവി ഞങ്ങളിൽ നിത്യമായ്
കാവ്യപ്രഭാമയ ചെങ്കതിർ സൂനമേ
ഏകുന്നു ഞങ്ങൾ പ്രണാമം പ്രണാമം